دیل سئچین

سیرا سیزده – گونئیلی

اویان نیوز : بیر نئچه آی بوندان اونجه یولداشلار ایله بیرلیک ده بو قرارا گلدیک کی پوللاریمیزی توپلاییب بلکه دیشاریدا اولان تراختورون اویونلارینین بیرینه گئده بیلک آما بیزیم شانسیمیز گول ائتدی و دلار ایران دا جئیران بئلینه چیخدی و بیزی موتسوزلاندیردی، نییه کی داها بیز توپلایان پولونان آنجاق ائله یاریشمانین ائله گیریش کاغاذین (بیلیت) آلا بیله ردیک. بو سورون یاراناندان بری چالیشدیق کی ان آزی ایچریده اوز رولوموزو یاخشی اویناییب و گئریسینی خاریجده اولان سویداشلاریمیزا تاپشیراق. نئجه کی بیلیرسیز بوردا بیر ایشچی نین گونو آنجاق ۲۰ مین تومن ده ن آرتیق اولمور و او پولونان هئچ بیر کیلو ات آلیب ائوده آپارانمیسان. بونو دئمکده ن ایسته ییرم بیر اوزه ل و اونملی سوزه چاتام:

عزیز سویداشلاریم کی خاریجده یاشاییرسیز، ایچریده اولان سویداشلار تراختورون اویونوندا و او باسقی آلتیندا بیر بویوک رول اویناییب و بیر ۱۵ متره یاخین پارچانی قالدیریب و گونئی آزربایجان ایران دئییل یازیسینی اینگیلس دیلینده بوتون دونیایا گوستردیلر و بو یازی ان بویوک باشاری اولدو، نئجه کی گورونور ایران رژیمی و اونون یالتاقلاری و حتی خاریجده اولان فارس فاشیست قوللاریدا پوزدوروب  و اعتراض لارینی بو یازی و حرکته گوستریبلر. بونو آنجاق ایچریده اولان سویداشلارین الینده ن گلیب و قالدیردیلار و بیر نئچه گونده ن سونرا بو اویونلارین آردیندا تراختور قطر اولکه سینده یئنیده ن مئیدانا گئدیب و یاریشاجاق. بیز ایچریده اولان سویداشلار سیزده ن بیر ایسته ییمیز اولاجاق و اودا بودور کی ایمکانیندا اولان سویداشلاریمیز بو یاریشا قاتیلیب و بو حرکتین آردینی گلسینلر و بونو گوسترسینلر کی بیز یالنیز دئییلیک و بیزیم سویداشلاریمیز بیزه دایاق اولاراق بیزله چیین به چیین ساواشمادادیلار.

عزیز سویداشلار، خاریجده اولان اویونلاردا بیر بئله حرکتین اولماسی بلکه ائتگیسی ایچریده ن چوخ اولماسادا بئله آز اولمایاجاق. سوزو قیسسالدیب و آنجاق اومود ائدیره م کی او گون یانی تراختورون ائشیکده اولان اویونلاریندا ایستادیوما توپلانیب و بیر ظفرده سیز قازاندیراسیز. ظفر بیزه آنجاق میللتیمیزین حاقلی سوزلرین دونیایا چاتدیرماقدیر.

 یازارین گرچک کیملییی اویان نیوز سیته سی اوچون بللی دیر آنجاق گیزلی توتولور

یوروم یازین

Back to Top