دیل سئچین

شهرده باریت قوخوسو.../حمید جباری

zoaf

اویان نیوز : نیروی انتظامی قووه‌لرینین پارس‌آباد شهرینده بیرنفری گولله‌له‌مه‌سینه دایر.

نئچه گون بوندان اؤنجه موغاندا بیر اولای باش وئردی. پارس‌آباد شهرینین اجیرلی محله‌سینده بیرنفرگولله‌له‌ندی.اجیرلی موغان کندلریندن بیریسی ایدی کی نئچه آیدیر  محله اولوبدور. شهره بیتیشدییندن اورانی محله ائدیبلر.  کندین اورتاسیندان، دوغروسو محله نین اورتاسیندان گرمی شهرینه گئدن یول کئچیر. ائشیتدییمیزه اساسا سحر چاغیندان بیر گنج اوغلان الینه قمه آلیب بو یولو کسیب میش. یولدان کئچن بیر یا ایکی ماشینا یاخین‌لاشیب قمه واسیطه‌سی ایله  اونلارا خسارت یئتیرمیشدیر . فیلمدن بللی اولدوغوندان الی قملی اوغلان گنج اوغلاندیر. الینده کی قمه‌ایله کیمسه‌نین یاخین‌لاشماسینا ایزین وئرمیر. ایدمان گئیملی بیر نئچه شخص آرخادان اوغلانا یاخینلاشیب بئل ناحییه‌سیندن تپیک ووروب جلد قاچیر. کادردان گؤروندویونه اساسا نیروی انتظامی قووه‌لریندن هئچ خبر یوخدور. هر لحظه کئچدیکجه جمیعتین چوخالماسی و بونونلا برابر اوغلانا ساری دایره‌وی حالدا یاخینلاشمالاری گؤزه چارپیر. سونراسا جاماعات چیغیرماغا باشلاییر. آت، آت یئره قمه‌نی، قمه‌نی یئره آت. گاهدان گاها ایدمان گئیملی شخص ایشینی تکرار ائتمکده‌دیر. آرخادان جلد تپیک ووروب قاچیر. آرتیق جاماعات سیغلاشیب و اوغلانین نئچه آددیمینا یئتیشیب‌لر. بو حالدا بیر شخص الینده کی کولت‌لا الینده قمه اولان شخصی گوله‌لمه‌یه باشلاییر. اؤنجه قیچلارینا ، سونرا بئلینه، سوندا ایسه قوللارینا ساری گؤلله آچیر. ۸ گؤلله‌دن سونرا شخص حالدان گئدیب یئره سریلیر.

گؤلله لره معروض قالان شخص هر حالدا ضررسیزلشدیریلدی. ائله دیر هرحالدا. بیلیرسیزمی او ایدمان گئملیلر کیملرایمیش. نیروانتظامی قووه لری. گؤرن نیرو انتظامی قووه‌لری ضررسیزلشدیرمه قایدالارینی بیلیرمی؟ گؤرن نیرو انتیظامی قووه­لری الی قمه‌لی شخصی گؤز یاشاردیجی یا بیبرلی قاز واسطه‌سی ایله  قمه‌سینی راحاتجاسینا آلا بیلمزدیلرمی؟ بیبرلی قازا مقاومت گؤستردیکده الکتریکلی باطوملا دیز چؤکدورمه‌یه مجبور ائده­بیلمزدیلرمی؟ نیرو انتظامی لاپ آغ ائله‌دی. هئچ بیر تحلوکه‌سیزلیک قایدالارینا عمل ائتمه‌یه‌رک، یاخین فاصله‌ده اولان انسانلارین سیخلیغین نظره آلمادان گولله آچیر. گؤرن نیروی انتظامی کادرلاری عمرلرینده هئچ پلیسی فیلمه‌ده باخماییب‌لار؟ ان آزی باشقالارینی ضرر چکمه‌سین دییه بلند‌گو ایله آرالی دایانماغا چاغیرماغیداچیخارلاری یئتمه‌دی. بیلدییمیزه گؤره گؤلله‌نین بیری کمانه وئریب تراسدا دایانان، منظره‌نی سیر ائدن بیر قادینین کناریندان کئچیب شیشه‌لری قیرمیشدیر. بو حادثه‌نین محلله‌یه ائله‌جه پارس‌آباد شهرینه  بویوک منفی  تاثیری اولموشدور.  محلله‌نین یئر و ائو دییری چوخ آشاغا ائندمیشدیر. ایکینجی یاندان ایسه اوراداکی توکانچی‌لار بو تاثیردن یان قاچا بیلمه‌میشلر. اجیرلی محلله‌سی یوکسک کیفییتلی ات و کابابی ایله چوخلو مشتری جلب ائتمشدیر. توکانچی‌لارین دئدیینه گؤره بو حادثه  مشتری‌لرین بویوک اؤلچوده آزالماسینا ندن اولموشدور. بوتون بوایشلر کولت لوله سیندن چیخان گوله‌دن سونرا باش وئرمیشدیر. ساکیتجه بیته بیلن بو اولای، گولله سسی ایله اوجالمیشدیر.

یوروم یازین

Back to Top