دیل سئچین

“صفرخان”‌ین خاطیره‌سی بو ایل‌ده عزیزلندی

safarxan-04

اویان نیوز: هر ایل اولدوغو کیمی بوایل‌ده آبان آیی‌نین ۱۹ینجی گونو آذربایجان خالقی‌نین مبارز اوغلو صفر قهرمانیان (صفرخان)ین ایتگیسی‌نین اون‌ایکینجی ایل دؤنومو قید ائدیلمیشدیر.

بو مراسیمده بیر گروه آذربایجان شاعر، یازیچی و مدنی- اجتماعی شخصیتلری اشتراک ائتمیش و  صفرخانین مزاری باشیندا اونون مقاومت سیمبولونا چئوریلن حیاتی و مبارزه‌سی باره‌ده دانیشیقلار آپارمیش، شعرلر اوخوموش و شرفلی خاطیره‌سینی عزیزله‌میشدیلر.
دوشنبه گونو ساعات ۱۰دان ۱۲یه قده‌ر صفرخانین قیزی مهین خانیمین قوناقچیلیغی‌ایله کرج شهری‌نین امامزاده طاهر مزارلیغیندا قورولان بو عزیزله‌مه مراسیمی‌ صفرخانین حیات و مبارزه‌سی باره‌ده یازیلان و دئییلن خاطیره‌لر مجموعه‌سی‌نین چاپا حاصیرلانما خبری‌ایله سونا چاتمیشدیر. بو کیتابین یاخین گله‌جکده نشر اجازه‌سی ایشلرینین ایره‌لی سورولمه‌سینی مهین خانیم آچیقلامیشدیر.

قایناق: ایشیق

safarxan-02-576x1024

مهین خانیم- قیزی(سارا) و حیات یولداشی

یوروم یازین

Back to Top