اویان نیوز: اورتا آسیانین ان چاغداش و قابسام‌لی کیتابخانالاریندان اؤزبکیستانداکی علی‌شیر نوایی میللی کیتابخاناسی قایناق زنگین‌لیگینی هر گئچن گون آرتیریر.
بو زنگین‌لییه داشکند ائلچیلیگی ده، تورکیه کیتاب‌لیغی ایله قاتقی وئریر. گونوموزون ان یئنی تکنولوژیسی‌نین ایستیفاده ائدیلدیگی کیتاب‌خانا گونده ۲ مین‌دن چوخ اؤیرنجییه خیدمت وئریر. کیتاب‌خانادا چوخ ساییدا تاریخی کیتاب وار. آیریجا، دونیانین دؤرد بیر یانین‌دان کیتاب‌خانایا گتیریلن کیتاب‌لارلا، اورتا آسیانین ان اؤنم‌لی کیتاب آرشیوی اولما اؤزللیگینه صاحب. بو اؤنم‌لی آرشیوی بوتون دونیایلا پایلاشماق ایسته‌ین کیتاب‌خانا یئتکیلی‌لری، ایندی بو کیتاب‌لاری اینترنت اورتامینا داشییا‌راق، هر کسین اریشیمینه سونماغی هدفله‌ییر.
تورکیه‌نین داشکند ائلچیلیگی ده، بوتون دونیایا اریشمه چاباسینداکی کیتاب‌خانانین تورکیه بؤلومونو زنگین‌لش‌دیرمک آماجی ایله، چوخ ساییدا کیتاب هدیه ائتدی. کیتاب تسلیم مراسیمینده دانیشان داشکند ائلچیسی محمد سرتاچ سؤنمزآی، علی‌شیر نوایی میللی کیتاب‌خاناسیندا، عرفان حیاتینا قازاندیران هر کسه تشکر ائتدی. اؤلکه‌لر آراسین‌داکی کیتاب پایلاشیمینین، نسیل‌لر آراسین‌داکی باغ‌لاری گوجلندیرجیینه اولان اینانجینی وورغولادی. سؤنمزآی، کیتاب‌خانادا صحبت ائتدیگی گنج‌لره، تورکیه‌دکی اونیورسیته‌لر حاقیندا دا بیلگی وئردی، سوال‌لارینی جاوابلاندیردی.
ت رت
