دیل سئچین

علی اکبر ولایتینین «آذربایجان» آدلی کیتابی تورکلری اینکار ائدیر

اویان نیوز: خبر آگئنت‌لیکلری ایرانین آلی روحانی رهبری سیید علی خامنه ای نین موشاویری، کئچمیش خاریجی ایشلر ناظری و قارشی‌دان گلن پرئزیدئنت سئچکیلرینین نامیزدی علی اکبر ولایتینین یازدیغی «آذربایجان» آدلی کیتابین یاییلدیغینی بیلدیریب.

یاری-رسمی فارس خبر آگئنتلیینین معلوماتینا گؤره، آذربایجان‌دا ایسلام‌دان اؤنجکی دؤورون تاریخینی احاطه ائد‌ن ۱۷۶ صحیفه‌لیک کیتاب‌دا «آذربایجانین آدی»، «آذربایجان شهرلری و بؤلگه‌لرینین تاریخی»، «آذری دیلی»، «آذریلرین دینی» و «قدیم آذربایجانین اقتصادیاتی» باشلیقلاری آلتیندا بؤلمه‌لر یئر آلیر. آذربایجان وئب صحیفه‌لری امیرکبیر نشریاتی طرفین‌دن نشر ائدیله‌ن بو کیتابین آنا خطینین پان-ایرانیست تبلیغاتلاری، یعنی بوگونکو آذربایجان اهالی‌سینین تورک دئییل، بلکه تورکدیللی اولماسی و قدیم ایران دیللریندن اولان آذری دیلینین تورک طایفه لارینین هوجومو نتیجه‌سین‌ده آرادان گئتمه‌سی ایستیقامتین‌ده اولدوغونو قئید ائدیبلر. خبر آگئنت‌لیکلرینین یازدیغینا گؤره، جناب ویلایتی بو و دیگر کیتابلارینی ایران یوردونون جغرافییا، تاریخ و مد‌نی خصوصیتلرینی تانیت‌دیرماق هدفی ایله یازدیغینی وورغولاییب. کئچمیش خاریجی ایشلر ناظری ایران یوردونو بئله ایضاح ائدیر: «بورادا ایران دئیه‌ن‌ده، ایرانین مدنیت و تاریخی حیاتین‌دا بو اؤلکه‌نین پارچالاری اولان بوتون اراضی قصد ائدیلیر، یعنی هم بو گون ایرانین سیاسی جغرافییاسیندا یئرلشه‌ن تورپاقلار، هم ده تاریخین ائنیشلی-یوخوش‌لو دؤورلرین‌ده ایران‌دان آیریلان اراضی.» آذربایجان فعاللاری آراسین‌دا ایرانین آنتی-تورک سیاست‌چیلرین‌دن بیری کیمی تانینان علی اکبر ولایتی ۱۹۸۱-جی ایلده‌ن ۱۹۹۷-جی ایلدک ایرانین خاریجی ایشلر ناظری اولوب. ایندی ایسه او، ایران رهبرینین بئینلخالق مسئله‌لر اوزره خصوصی موشاویریدیر. او، قارشی‌دان گلن پرئزیدئنت سئچکیلرین‌ده اساس نامیزدلردن بیری‌دیر.

آمریکا سسی

یوروم یازین

Back to Top