عیراق: تورکمن تورکجه‌سی رسمی دیل اولدو

6732465221

اویان نیوز: عراق کورد بؤلگه‌سی یؤنه‌دیمی پارلمانی، تورکجه‌نین تورکمن لهجه‌سینین رسمی دیل اولا‌راق ایستیفاده ائدیلمه‌سینی قبول ائتدی.

TRTتورک-ون بیلگیسینه گؤره، عراق تورکمن جبهه‌سی میلت وکیلی آیدین معروف، سؤز قونوسو قانونون اؤنمینه دقت چئکه‌رک، “بو یاسایا گؤره کورد بؤلگه‌سینده عرب و کوردجه‌نین یانیندا آرتیق تورکمن تورکجه‌سی ده رسمی دیل اولا‌راق دؤولت ایداره‌لرینده، مکتب‌لرده و محکمه‌لرده ایستیفاده ائدیله‌جک. بونون اوچون تورکمن اها‌لی‌نین یوزده ۲۰ اکثریتده اولماسی لازیم‌دیر. حاضردا اربیل و سلیمانیه‌نین کیفری ائلچه‌سی بو شرط‌لره صاحب. بورا‌داکی تورکمن‌لر اوچون اهؤنم‌لی بیر مرحله باشلاییر‌” دئدی.

معروف، ۱۹۹۳دن بری تورکجه‌نین مکتب‌لرده تحصیل دیلی اولدوغونو خاطیرلادا‌راق، تورکمنلرین، بو مؤوضوعدا یئترلی آلت‌یاپییا صاحب اولدوق‌لارینی سؤیله‌دی.

کورد بؤلگه‌سی تحصیل ناظرلیگینه باغلی تامامیله تورکجه ائییتیم وئرن اربیلده ۱۳ و سلیمانیه‌ده ۳ مکتب اولدوغونو ایفاده ائدن معروف، بو گونه قدر مین‌لرجه اؤیرنجینین، اربیلده‌کی صلاح الدین اونیورسیته‌سی تورک دیلی و ادبیاتی بؤلومون‌دن ماذون اولدوغونو ایفاده ائتدی.

عراقدا ان آز ۲ میلیون تورکمن‌ین یاشادیغی تخمین ائدیلیر.

یوروم یازین

Back to Top