دیل سئچین

فرانسانین پایتختی پاریسده،نووروز بایرامی قید اولوندو

اویان نیوز: فرانسانین پایتختی پاریسده، بیرلشمیش میللت‌لر تشکیلاتی‌نین تحصیل، علم و مدنیت تشکیلاتی (ینسکو) مرکز بیناسیندا تورکیه‌نین ده آرا‌لاریندا اولدوغو ۱۱ اؤلکه‌نین ایشتیراکی ایله نووروز بایرامی قید اولوندو.

تورکیه، افقانیستان، آذربایجان، هیندیستان، ایران، قازاقیستان، قیرغیزیستان، پاکیستان، تاجیکیستان، تورکمنیستان و اؤزبکیستانین یونسکو-نون نزدیندکی سفیرلری‌نین ائو صاحب‌لیگی ایله رئال‌لاشان نوروز قوتلاماسینا تورکیه‌نین پاریس سفیری تحسین بورجووغلو، تورکیه نظرینده OECD سفیری قدری اجودین تئزجان و مدنیت توریزم موشاویری کالبیم نویان قاتیلدی.

تورکیه‌نین UNESCO سفیری گورجان بالیق، قوتلامادا ائتدیگی دانیشمادا نوروز بایرامی‌نین ۲۰۱۰-جی ایلدن بری بیر چوخ اؤلکه‌نین ایشتیراکی ایله قوتلاندیغینی سؤیله‌دی.

کئچن ایل نوروز قوتلاماسینا ۸ اؤلکه‌نین ایشتیراک ائتدیگینی ایفاده ائدن گورجان بالیق، بو ایل قید ائتمه‌یه قاتیلان اؤلکه سایسی‌نین ۱۱ه یوکسلدیگینی ایفاده ائتدی.

یئرلی موسیقی‌لرین اوغورلاندیغی قوتلامادا قوناق‌لارا اؤلکه‌لرین اؤز متبخینه خاص یئمک‌لرین ایکرام ائدیلدی.

ت رت

یوروم یازین

Back to Top