دیل سئچین

فعاللار کوخییان و ولیزاده نین دوسیالاریندا سون دوروم

اویان نیوزاختصاصی: حقوقشیناس فاطمه ستاری کئچه‌ن گون مهدی کوخییان و اوختای ولیزاده نین وکیللیینی عهده‌سینه گؤتوروب.

موخبیرینین وئردیی بیللگیلره اساساً ۲۰۱۳ بازار ارته‌سی فئورالین ۱۸ فاطمه ستاری حقوقشیناس مهدی کوخییان و اوختای ولی‌زاده آذربایجانین میللی – مد‌نی فعاللارینین وکیللیینی اتمیی اؤز اوزرینه گؤتوروب.

اوختای ولی‌زاده دینی قوتساللیقلاری حقارت ائتمک و مهدی کوخییان سیستئمه قارشی رکلام ائتمکده اتهام اولوبلار. بیلگیلره اساساً آذربایجانین ایکی فعالی توتوقلانما قراری ایله ماراغا زیندانیندا ساخلانیلیرلار. میللی مده‌نی فعاللار محکمه قرارینا اعتراض ائتسلرده اونلارین بو اعتراضی رد ائدیلیب. مد‌نی فعالارین ایجراات سیراسینی گؤزلمک و قرارلارینی وئرمک اوچون ملیکان محکمه‌سی بیرینجی شعبه‌یه گؤندریلیب.هله‌لیک بونلارین محکمه ایجلاسلارینین کئچیریلمه واختی بللی اولماییب، ملیکان دوریم(اینقیلاب) محکمه‌سی اولماماق ندنی ایله چوخ احتیماللا بو ایکی میللی فعالین دوسیالاری(پرو‌نده‌لری)ماراغایا گؤندریله بیلر. دئملییک کی، بو ایکی میللی مد‌نی فعال ملیکان شهر ساکینی ماراغا میللتینین ایران خاریجی سیاستینه اعتراض ائتدیکدن سونرا ۲۰۱۲ دئکابر آیینین ۳۱ توتولوبلار.

بو خبرین یایین حاققی اویان نیوز سیته سینیندیر وآنجاق قایناق وئررک یایینلانابیلیر.

یوروم یازین

Back to Top