دیل سئچین

فلوریدا ایالتینده پیتون‌لارا قارشی باشلادیلان اوو سونا چاتدی

اویان نیوز: مین‌لرله ایلانین نظارت‌سیز شکیلده چوخالا‌راق اطرافا قورخو سالدیغی ائورقلایدس میللی پارکینداکی اوو سونوندا ۶۸ دنه پیتون یاخالانابیلدی

آمریکانین فلوریدا ایالتینده بیوچئشیدلیلیغه تهدید میدانا گتیرن پیتون‌لارا قارشی باشلادیلان اوو سونا چاتدی.

مین‌لرله ایلانین نظارت‌سیز شکیلده چوخالا‌راق اطرافا قورخو سالدیغی ائورقلایدس میللی پارکینداکی اوو سونوندا ۶۸ دنه پیتون یاخالانابیلدی.

زهرسیز، ایری و چوخ گوجلو اولان پیتون‌لارین سایسینی آزالدما چابالاری چرچیوه‌سینده ائورقلایدس پارکیندا اوزون داواملی بیر اوو تشکیل ائدیلدی.

مین ۶۰۰ اووچونون قاتیلدیغی موکافات‌لی اوو سونوندا توتولان پیتون سایسی ۶۸ اولدو.

۱۸ دنه پیتون توتان اووچو مین ۵۰۰ دولارلیق ان چوخ ایلان توتما موکافاتینی، ۵ مترلیک بیر ایلان توتان دا مین دو‌لارلیق ان اوزون پیتون توتما موکافاتینی قازاندی.

پیتون‌لارین بؤیوک حیسه‌سی ساخلاندیق‌لاری بؤلگه‌لرین اولماسی و آلیشقانلیقلاری‌نین اؤیرنیلمه‌سی اوچون وئریجی‌لر تاخدیقدان سونرا آزاد بوراخیلدی.

بیر تیمساحین دؤرد قاتی یئین پیتون‌لار بؤلگه‌یه چؤلدن گلدیک‌لری و طبیعی دوشمن‌لری اولمادیغی اوچون سرعتله چوخالیب دیگر نوعلار اوچون بؤیوک تهدید میدانا گتیریر.

اؤلکه‌نین ان اهمیت‌لی اکوسیستم‌لرینده بیرینی تشکیل ائدن ائورقلایدس پارکیندا سایسی اونبینلرله ایفاده ائدیلیر.

ماراقلی‌لارین هوسله آلیب سونرا دا باخاماییب طبیعته بوراخدیغی ۶ متره چاتا بیلن بورمایا خاص بو پیتون‌لار مسکونلاشما مرکزلرینه ده ائنیر.

اووونو گوجلو گؤودسیله بوغا‌راق اؤلدورن پیتون‌لارین دریسی‌نین یانیندا اتی ده کیلوسو ۷۰ دو‌لارا قدر آلیجیسی اولور.

ت  ر ت

یوروم یازین

Back to Top