دیل سئچین

فیلیسطین‌لی‌لرله ایسراییل‌لی مسکونلاشماچی‌لار آراسیندا چاتیشما چیخدی

اویان نیوز: چاتیشمایا داها سونرا ایسراییل گوونلیک گوجلری مداخیله ائتدی

آمریکا بیرلشمیش دولتلری جمهور باشقانی باراک اوبامانین اورتا شرق سفری اوّلینده بؤلگه‌دکی شدت دیرماشیر.

ایسراییل مسکونلاشما یئرلرینی اعتراض ائدن فیلیسطین‌لی‌لرله ایسراییل‌لی مسکونلاشماچی‌لار آراسیندا چاتیشما چیخدی.

چاتیشمایا داها سونرا ایسراییل گوونلیک گوجلری مداخیله ائتدی.

گوونلیک گوجلری گؤز یاشارتیجی گاز و پلاستیک گولله ایستیفاده ائتدی.

چاتیشمادا بیر فیلیسطین‌لی ایسه گئرچک گولله‌لرین هدفی اولدو.

گولله‌نین کیمین سلاحیندان چیخدیغی تثبیت ائدیله بیلمه‌دی آنجاق بیر مسئول ایسراییل‌لی مسکونلاشماچی‌لارین آتش ائتدیگینی تصدیقله‌دی.

بؤلگه‌دکی پروبلمین اهمیت‌لی بیر عنصور، ایشغال آلتینداکی فیلیسطین تورپاق‌لاریندا اولان یاشاییش بؤلگه‌لری.

فیلیسطین طرفی، ۱۹۶۷-دن بو یانا ایسراییل ایشغا‌لی آلتین‌داکی تورپاق‌لاری گئری آلماق و اوزرینده بیر دولت قورماق ایستییر.

ایسراییل ایسه اولوسلار آراسی حقوقو پوزاراق یئنی مسکونلاشما یئرلری آچیر و ایشغال ائتدیگی تورپاق‌لارا یاخشیجا یئرلشیر.

ایسراییل مسکونلاشما‌لاری باریش دانیشیقلارینی جانلاندیرماق اوچون بؤلگه‌یه گله‌جک اولان بارراک اوبامانین دا قارشی‌سینا چیخا‌جاق ان اهمیت‌لی پروبلملردن بیری اولا‌جاق.

اوباما ایلک جمهور باشقانی دؤورونده ده ایسراییل‌دن بو مسکونلاشما‌لاری دایاندیرماسینی ایستمیشدی.

ت رت

یوروم یازین

Back to Top