دیل سئچین

قادین کنگره سی نین بیلدیریشی- اولوسلارآراسی اجتماعی فوروم2009

ilga.png

اویان نیوز:

قادین کنگره سی نین بیلدیریشی- اولوسلارآراسی اجتماعی فوروم ۲۰۰۹

بئلئم دو پارا، بئرزیل

   Belém do Para, Brazil

اینگیلیزجه دن چئویرن: صدیقه عدالتی

پان- آمازون خلقلری اولوسلارآراسی ایجتماعی فوروما قاتیلدیقلاری ایلده، بیز قادینلار دونیانین فرقلی یئرلریندن بئلئم ده بیر آرایا گلمیشیک، یئرلی قادینلار و سیاسی وطنداشلار اولاراق، اورمان منطقه لریندن گلن خلقلرین قادینلاری نین، توپلوملاری میزین کولتورل فرقلی لیکلری نین چرچیوه سینده، فمینیسمین زنگین لشمه سینده واولوسلارآراسی  آتا بئیلیک (پدرسالاری) کاپیتالیست سیستمی نین علئیهینه اولان فمینیستی موجادیله لرین گوجلنمه سینده کی پایلارینا ویاردیملارینا تأکید ائتمکده ییک.

دونیا فرقلی بوحرانلار گئچیرمک ده و بودا بونو گؤستریر کی بو سیستم دوام ائتمه یجکدیر. مالی، یئمک، ایقلیم، و انرژی بوحرانلاری بیربیریندن آیری اولایلار دئییللر، بلکی هر شئی دن اؤنجه بونلارمدلین اؤزایچینده کی بوحرانی  گؤستریرلر کی ایشین و یاشاییش چئوره سی نین ایضافه ایستیثماراولمالارینا و ایقتیصادداکی مالی سوفته بازلیقلارا دایانیر.

  بیزلر بو بوحرانلارا چاره تاپماق ایچین بازارمنطیقینه دایانان راحاتلاتیجی جوابلارلا راضیلشمیریک، بو یالنیز او سیستمین دوام ائتمه سینه سبب اولاجاقدیر.  بو سیستمه بیر آلتئرناتیو گلیشدیرمه لیییک. بیزلر بیتکی- یاناجاقی  نی و کاربونی ماده لرین اعتباری  بازارلاری نی، یاشاییش چئوره  سی و انرژی بوحرانی نا بیر چاره گؤرن دوشونجه نین علئیهینه ییک. بیز فمینیست قادینلار،  تولید و مصرف مدلی نین دییشمه سینی ایستییریک .

qadin 6666

  بیز تأکید ائدیریک کی ژئنلرین دییشمه سی ایله اولوشان  یئمک ماده لری، یئمک بوحرانینا بیر چاره دئییلدیر. بیزیم آلتئرناتیویمیز یئمک قایناقلارینا میلی حاکیمیتین اویقولانماسی وائکولوژیک- زیراعی تولیدین گلیشمه سیدیر.

ایقتیصاد و مالی بوحرانلا ایلیشکیده، بیز بانکالاری و تیجارتی قورتارما آماجییلا میلیونلارجا دلاری اینسانلارین جیبیندن چیقارتمانین علئییهینه ییک. بیز فمینیست قادینلار ایستیخدامین دستکلنمه سی نی و اویقون بیر قازانج دان فایدالانما حققی نی ایستییریک.

  بو سیستمی قوروما  تشبوثلری نین بیزیم ضرریمیزه اولمالارینی قبول ائتمه میز مومکون دئییلدیر. گنیش ساییدا ایشدن چیقارمالار، ایجتیماعی ساحالارداکی هزینه لرین آزالتیلماسی و بئله بیر اورتیم (تولید) مدلی نین تأکیدله اویقولانماسی،  تولیدین تکرارلانماسی اوچون داها چوخ ایش گرکدیریر و بئله بیریاشاییشین دوام ائدیلمه  سینه سبب اولور و بو مستقیمأ بیز قادینلارین یاشاییشی نی ائتکی لییر.

بو سیستم  اولوسلارآراسی ساحادا اؤزونو قبول ائتدیرمک اوچون میلیتاریزه ائتمه یه و سیلاحلارا موتوسیل اولموشدور. سوی قیریمی نا سبب اولان نیظامی موجادیله لر اعمال اولونور و قادینلاری ساواش غنیمتی اولاراق گؤروب،  جینسی شیددتی بیر ساواش اسلحه سی اولاراق قوللانیر.بوتون اینسانلار زورلا بیر بؤلگه دن باشقا بؤلگه یه گؤندریلیر و اورادا سیاسی قاچاقلارکیمی یاشامایا مجبور اولور. بو نیظامی موجادیله لرده قادینلارین علئیهینه اویقولانان شیددت، اونلاری اؤلدورمک، و اینسانلیغین علئیهینه اولان باشقا جینایتلر هرگون چوخالیرو بو جینایتلری ایشله ین لر کامیل امنیتده یاشاییرلار.

  بیز فمینیست قادینلار، اینسانلارین بیربیرلری ایله، اینسانلارین چئوره لری ایله اولان ایلیشکیلرینین اساسی شکیلده دییشمه لری نی، لئزبیینلرین علئیهینه اولان شیددت( lesbophobia)  وگونوموزه قدر حاکیمیتی نی سوردورن آتا بیلیگه دایانان ایرقچیلیغین بیتمه سینی ایستییریک.

  بیز بدنیمیزین و جینسل لیگیمیزین باشقالاری طرفیندن کنترل ائدیلمه سی نین سونا ائرمه سینی ایستییریک. بیز اؤز یاشاییشیمیز و یاشادیغیمیز بؤلگه حققینده اؤزگور سئچیمه صاحیب اولما حققی نی ایستییریک. قادینلارین ایستیثمارینا دایانان توپلومون تکرار تولید اولماسینین علئیهینه ییک.

 بیزساواش و نیظامی بؤلگه لرده یاشایان قادینلارلا بیرلیکده لیگیمیزی اعلام ائدیریک، بیز هاییتی ده کی باجی لاریمیزین سسلری نه سس وئریب و اوراداکی نیظامی ایشغالچیلارین سبب اولدوغو شیددتی قیناییریق.  بیزکلمبیادا، کنگودا و ساییسیز قادینلاری کی هر گون بو اؤلکه لرده نیظامی شیددتین قاباغیندا دایانیرلار دستکلییریک. بیز آمئریکانین نیظامی ایشغالینا معروض قالان عراقلی قادینلارلا بیرلیکده لیگیمیزی اعلام ائدیریک.

 ایندی غزه شریتینده ایسرائیلین نیظامی سالدیریلارینا معروض قالان فیلیسطینلی قادینلارلا بیرلیکده لیگیمیزی اعلام ائدیب و اورتادوغودا ساواشین بیتمه سی  اوچون  موجادیله یه قاتیلیریق.

 باریشدا و ساواشدا آتا بئیلیک و ایرقچی لیغین شیددتینین قوربانی لری اولان قارا دریلی و جوان قادینلاری دستکلییریک.

  عئینی شکیلده باجیلاریمیزین هیدرو الکتریک سدلرین، آغاچ و معدن کومپانی لرین، آمازوندا و بوتون دونیاداکی بویوک پروژه لرین علئیهینه اولان ساواشلارینی و  بو ایستیثمارلارین علئیهینه اولدوقلاری اوچون تعقیب آلتیندا اولان هر کسی دستکله ییب و اونلارلا بیرلیکده لیگیمیزی اعلام ائدیریک، سو حققی اوچون ساواشانلارلا بیرلیکده لیگیمیزی اعلام ائدیریک.

کورتاژ و یا بو حققی ساووندوقلاری اوچون جینایی تعقیب آلتیندا اولان قادینلاری دستکلییریک، هر زاماندان داها گوجلو رادیکال و موحافیظه کار سالدیریلارلا ساواشماق اوچون بیرلیکده اولوب، کورتاژا احتیاجی اولان قادینلارین قانونی حقلری و امنیتلری نین قارانتی آلتینا آلینماسینی دستکلییریک.

  بیز معلول قادینلارین بوتون ایمکانلاردان ایستیفاده ائده بیلمه لری ایچین موجادیله لری نی، گؤچمن قادینلارین اؤزگور گیدیش گلیش حقلری نی دستکلییریک.

   بوتون بو قادینلار واؤزوموز ایچین فمینیستی حرکتلری حاکیم سیاستین قاباغیندا دایانان بیر گوج اولاراق دستکلییریک و عئینی شکیلده قادینلارین اؤز یاشاییشلارینی و بیزیم توپلوملاریمیزی دییشدیرمک اوچون اؤزلری نی اورقانیزه ائتمه تشبوث لاری نی، دییالوقلاری نی و ایجتماعی حرکتلری نی دستکلییریک.

۸ مارس دا و ۲۰۱۰ ایلی نین «اولوسلارآراسی آکسیون هفته سینده» بوتون دونیاداکی فادینلار اولاراق بیزه شیددت اویقولایان وبیزی  ایستیثمار التیندا توتان کاپیتالیست و آتا بئیلیک سیستمین علئیهینه بیرلشیریک. خیابانلاردا و ائولریمیزده  اورمانلاردا و کندلرده موجادیله لریمیزده و گونلوک یاشاییشیمیزین ساحالاریندا عوصیان و حرکتیمیزی گؤسترجه ییک.

بیر فئوریه ۲۰۰۹ ، بئلئم دو پارا، برزیل.

   ———-

قایناق: ilga

یوروم یازین

Back to Top