قارغا ایله تؤلکو

اویان نیوز:

7jt8gbw4 copy

پئندیر آغزیندا بیر قارا قارغا
اوچاراق قوندو بیر اوجا بوداغا
تؤلکو گؤرجک یاواش یاواش گلدی
ائندیریب باش ادبله چؤمبلدی
بیر زمان حسرت ایله قارغا ساری
آلتدان ، آلتدان ماریتدی باش یوخاری
»! دئدی «احسن سنه، آقارغا آغا
» !نه نزاکتله قونموسان بوداغا»
بزه دین سن بو گون بیزیم چمنی
شاد قیلدین بو گلمگینله منی
! نه گؤزه لسن، نه خوش لقاسن سن
! یئری وار سؤیله سم هما سن سن
توکلریندیر ایپک کیمی پارلاق
بد نظردن ووجودون اولسون ایراق
بو یقین دیر کی، وار سئویملی سسین
»! اوخو، وئرسین منه صفا نفسین»
بؤیله سؤزدن فرحله نیب قارغا
آغزینی آچدی تا کی، ائتسین، غا
غا» ائده رکن هنوز بیرجه کره»
پئندیری دیمدیگیندن ائندی یئره
تولکی فورا هاوادا قاپدی یئدی
قارغایا طعنه ایله بؤیله دئدی
اولماسایدی جهاندا سارساقلار»
«آج قالاردی یقین کی، یالتاقلار

بیلیرم سیزلرده منه تای، بو گؤزه ل حکمتلی شعرله ایلکین صینیف لرده تانیش اولوبسونوز، اولا بیلر ائله ایندی ده اونو ازبرسینیز. آما اوشاق ادبییاتینا عایید اولان بو شعری کیم دئییب؟
بو گؤزل شعرین یارادانی، بؤیوک شاعیریمیز میرزا علی اکبر صابیردیر. اونون دیگر آدلیم شعری «یالانچی چوبان» لا بیرلیکده دونیانین بیر نئچه دیلینه ترجومه اولونوب، او جومله دن روس و فارس دیللرینه. تاسوفله فارس ادبیاتیندا، بعضی شاعیرلر صابیرین آدین گتیرمه دن اؤزلرینه چیخیبلار، سونرالار اوستاد شهریاردا بوتون بو مقصدلی سهولری گؤروب دوشونرکن نه یاخشی دئییب:«فارس شاعیری چوخ سؤزلرینی بیزدن آپارمیش ـ صابیر کیمی بیر سفره لی شاعیر پخیل اولماز.»

بو شعر، چوخلو دیللره ترجومه اولوب دؤنسه بئله، صابیرین تورک دیلده یازدیغی قارغا ایله تؤلکونون دادین وئرمز.
محمدعلی ارجمندی

 

قایناق تبریز دیلکلر شهری بلوگفا

یوروم یازین

Back to Top