دیل سئچین

قورئی‌ قیبریس ‌تورک ‌جمهوریتی‌ ایلک قادین باشباخانی گؤره‌وه باشلادی

quzey

اویان نیوز : قورئی قیبریس تورک جمهوریتی‌نین ایلک قادین باشباخانی سیبل سیبر وظیفه‌یه باشلادی.

قورئی قیبریس تورک جمهوریتینده میللی بیرلیک پارتیسی حکومتی‌نین دوشورولمه‌سی‌نین آردین‌دان اولوشدورولان سئچیم حکومتی‌نین باشینا گتیریلن قورئی قیبریس تورک جمهوریتی‌نین ایلک قادین باشباخانی سیبئ، آنادولو آژانسینا گوندمه باغلی دانیشدی.

“قورئی قیبریس تورک جمهوریتی‌نین ایلک قادین باشباخانی اولا‌راق آنیلماق منه قورور وئردی اما ایلک‌لر هر زامان چوخ اؤنم‌لی‌دیر” دئین سیبر، چیگین‌لرینده بؤیوک بیر یوک حس ائتدیگینی، بونون هم توپلومون یوکو هم ده قادین‌لاری تمثیل ائتمه یوکو اولدوغونو وورغولادی. سیبر، بو وظیفه‌نین اوسته‌سین‌دن باشاری ایله گلمه‌سی‌نین ان بؤیوک آرزوسو اولدوغونو ایفاده ائده‌رک، قورئی قیبریس تورک جمهوریتی‌ مجلیسین‌دن بیر قادین میللت وکیلی‌نین باشباخان اولا‌راق تعیین اولماسی اؤلکه‌ده بؤیوک بیر هیجان یاراتدیغینا دقتی چئکدی.

تورکیه ایله قورئی قیبریس تورک جمهوریتی‌ ایلیشکی‌لرینه ده توخونان سیبر، تورکیه‌نین قورئی قیبریس تورک جمهوریتی‌نی تانییان تک اؤلکه اولماسی‌نین خاریجینده، تاریخی و مدنی چوخ گوج‌لو باغ‌لاری اولدوغونو ایفاده ائده‌رک، “ایکی‌لی ایلیشکی‌لرده ضعیفلمه و یا گئریلمه هئچ بیر حکومت دؤورونده اولمادی، اولمایا‌جاق” دئدی.

۱۹۶۰.جی ایلده لئفکوشادا دوغان سیبر، ایستانبول اونیورسیته‌سی جراح پاشا طب فاکولته‌سین‌دن ۱۹۸۳.جو ایلده ماذون اولدو. سیبر ۲۰۰۹.جو ایل سئچیم‌لرینده لئفکوشا میللت وکیلی سئچیلدی. ایکی ایل مدتله، یئرل بیر قزئتده هفته‌لیک یاز‌لار یازان سیبرین ۲۰۱۱.جی ایلده، “دوشلریم دوشونجه‌لریم” آدلی دنمه‌لردن عبارت بیر کیتابی یاییملاندی. سیبر، ائولی و ۲ اوشاق آناسی‌دیر.

ت . ر . ت تورکی

یوروم یازین

Back to Top