دیل سئچین

لاله جاوانشیر: ایران‌دا آذربایجان قادینینین حقوقلاری پوزولور

اویان نیوز: «اریمدیر، دؤیر ده سئور ده،» و «قیزینی دؤیمه‌یه‌ن دیزینی دؤیر،» کیمی دئییملر لاله خانیمین فیکرینجه قادینلارین ایکینجی درجه‌لی اینسان اولماسی حاق‌دا تسوووردن خبر وئریر. هابئله «غیرتلی کیشی» و «سرت کیشی» کونسئپتلرینین جمعیت‌ده موسبت قارشیلانماسی دا قادینلارا قارشی واجیب ساییلان محدودلاشدیریجی تفککوردن قایناق‌لانیر.

تورونتو اونیوئرسیتئتینین تورکولوگییا و یاخین شرق مدنیتلری اوزره دوکتورلوق طلبه‌سی لاله جاوانشیر آمریکانین سسینه موصاحیبه‌ده ایران‌دا قادین حقوقلارینین دورومو و بو دورومون آذربایجان قادینلارینا تأثیرلری حاق‌دا دانیشیب. ایران ایسلام رئسپوبلیکاسینداکه مؤوجود موحیطی شرح ائد‌ن لاله خانیم حقوق پوزونتولارینین تکجه سیاسی سفئرایا دئییل، اقتصادی، سوسیال ایستاتوسا دا سیرایت اتدیینی وورغولاییب. اونون سؤزلرینه گؤره قادینلارین موته‌مادی شکیل‌ده آلچالدیلماسینین اساسین‌دا توتالیتار دیکتاتورا، تئوکراتیک رژیم و جمعیت‌ده عصرلردن بری داشلاشمیش پاتریارخال موناسیبتلر دایانیر.

لاله خانیم ایران‌دا مؤوجود شریعت قانونون قدیم زامانلاردان میراس قالدیغینی و قادینلاری از‌ن بیر فونکسییا داشیدیغینی قئید ائدیر. بئله کی، ۱۹۷۹-جو ایل ایسلام اینقیلابین‌دان سونرا فوندامنتالیست پریسنیپلرین حقوقی موستوییه تطبیق اولونماسی قادینلارین بیر چوخ حقوقلارینی اللرین‌دن آلیب، اونلاری دئ-یورئ و دئ-فاکتو ایکینجی درجه‌لی وطنداشلارا چئویریب.

ایران ایسلام رسپوبلیکاسینین بوشانما و بوشانماق‌دان سونرا اوشاقلا علاقه‌لی قانونلاری، ارث قانونو و بیر چوخ باشقا قانونلار ایران‌دا یاشایان بوتون قادینلاری محدودلاشدیریر، آنجاق غیری-فارس قادینلار علاوه چتین‌لیکلرله ده اوزلشیرلر،- دئیه بیل‌دیره‌ن لاله جاوانشیر، محکمه‌لرده فارسجا بیلمه‌یه‌ن قادینلارین پروبلئملرینه ایشاره ائدیر. او مثال اولاراق ایسلام رسپوبلیکاسی طرفین‌دن داشقالاغا محکوم ائدیله‌ن تبریزلی قادین سکینه محمدینین آدینی چکیر. سکینه مهمددینین وکیلینین سؤزلرینه گؤره، سکینه خانیم فارسجا بیلمدیی اوچون محکمه‌ده اونا اوخونان سنه‌دی یاخشی آنلامادان ایمزالامیش‌دی.

لاله جاوانشیر ایسلام رئژیمینین قادینلارلا باغلی مهدودلاشدیریجی قانونلاری ایله بیرلیک‌ده جمعیت‌ده گئنیش یئر آلان فولکلور و خالق ادبیاتین‌دا مؤوجود بعضی دوشونجه‌لری باسقیلارا رواج وئره‌ن فاکتورلار کیمی دیرلندیریر. «اریمدیر، دؤیر ده سئور ده،» و «قیزینی دؤیمه‌یه‌ن دیزینی دؤیر،» کیمی دئییملر لاله خانیمین فیکرینجه قادینلارین ایکینجی درجه‌لی اینسان اولماسی حاق‌دا تسوووردن خبر وئریر. هابئله «غیرتلی کیشی» و «سرت کیشی» کونسئپتلرینین جمعیت‌ده موسبت قارشیلانماسی دا قادینلارا قارشی واجیب ساییلان مهدودلاشدیریجی تفککوردن قایناق‌لانیر.

عینی زامان‌دا لاله خانیم آذربایجان تورکلرینین موسلمان عالمین‌ده پروقرئسسیو دوشونجه‌نین داشیییجیلاری اولدوغونو قئید ائدیب. یاخین شرق مدنیتلری اوزره تدقیقات‌چی ایران‌دا یاشایان آذربایجان تورکلرینین قوزئی و تورکییه واسطه‌سی ایله قرب مدنیتینی داها یاخشی تانیییب و بونا گؤره ده ایران‌دا قادین حقوقلاری ایله باغلی حرکاتین اؤنون‌ده گئدیبلر،- دئیه ایران‌دا ایلک دفعه قادینلارین سئچمه و سئچیلمه حاقینین ۱۹۴۵-۴۶-جی ایللرده آذربایجان میللی حکومتی دؤورون‌ده حیاتا کئچیریلمه‌سینی نومونه وئریر.

 آمریکا سسی

یوروم یازین

Back to Top