اویان نیوز : لبنانین باشکندی بیروتدا ایران ائلچیلیگی یاخینلیغیندا میدانا گلن ۲ آیری پاتلامادا ۱۹ نفر اؤلدو.
حزب الله محله‌سین‌دکی پاتلامادا، اطراف‌داکی بینا‌لار آغیر زیان گؤردو. پاتلاما‌لاردا ۵۰دن چوخ انسان دا یارالاندی. پاتلاما‌لارین سببی قونوسوندا چئلیشکی‌لی آچیقلامالار گلیر. بیر گؤرگو تانیقی ایران ائلچی‌لیگینه ۲ راکت آتیلدیغینی سؤیلرکن، بیر باشقاسی بومبا یوک‌لو ۲ اتومبیلین پاتلادیغینی ایره‌لی سورور. ایران ائلچیلیگینده قوروما اولا‌راق چالیشان بیر نفر ایسه، انتحار ائیلمچی‌سی‌نین موتورسیکلتی ایله قاپییا گلدیگینی، اؤزونو هاوایا اوچوردوغونو، باشقا پارتلامایا ایسه بومبا یوک‌لو آراجین یول آچدیغینی ساووندو.
ایران‌لی یئتکیلی‌لر، پاتلامادا اؤلن و یارا‌لانان‌لار آراسیندا ائلچی‌لیک پرسنلی اولمادیغینی بیلدیردی. ائلچی‌لیگین آرخا قاپی‌سی‌نین هاوایا اوچدوغو، ۳ قات‌لی بینادا خسارت میدانا گلدیگی ایفاده ائدیلدی. ائلچی‌لیک یاخین‌لارین‌داکی ۶ بینادا آغیر زیان میدانا گلدی، اطرافدا پارک ائتمیش اتومبیل‌لر آلوو آلدی. بیروت‌داکی پاتلاما‌لارین سوریه‌ده‌کی ساواش ایله باغلانتی‌سی اولوب اولمادیغی بیلینمیر.
قایناق : ت . ر . ت تورکی
