دیل سئچین

لیبیدا اینقیلابی رئال‌لاشدیران میلیسلر پارلامنت بیناسینی محاصیره‌یه آلدی

اویان نیوز: لیبیدا اینقیلابی رئال‌لاشدیران میلیس، بیرلیک‌لری‌نین پایلانا‌راق پولیس و عسگر تشکیلاتینا قاتیلماسی ایستیقامتین‌ده‌کی پلانی اعتراض اوچون پارلامنت بیناسینی محاصیره‌یه آلدی

لیبیدا اینقیلابی رئال‌لاشدیران میلیس، بیرلیک‌لری‌نین پایلانا‌راق پولیس و عسگر تشکیلاتینا قاتیلماسی ایستیقامتین‌ده‌کی پلانی اعتراض اوچون پارلامنت بیناسینی محاصیره‌یه آلدی.

ایچ ایشلر باخانی آشورا شووئیل طرفیندن، یوکسک گوونلیک شوراسی آدی آلتیندا توپلانمیش اینقیلابچی میلیس بیرلیک‌لری‌نین، تامامیله لغو ائدیله‌رک، ایسته‌ین‌لرین فردی اولا‌راق پولیس و عسگره آلینماسی ایستیقامتینده حاضیرلانان پلان، اینقیلابچی میلیس پارلامنت بیناسینی محاصیره‌سینه سبب اولدو. دونن گونورتا ساعات‌لاریندا باشلایان اعتراض گؤستریسی داوام ائدیر.

پارلامنت بیناسینا گئدن یول‌لاری باغلایان سیلاحلی گؤستریچی‌لر، گیریش و چیخیش‌لاری قاداغان ائده‌رک، ایچ ایشلر باخانی شووئیلین ایستعفاسینی ایسته‌دی. آیریجا گؤستریچی‌لر، بیرلیک‌لرین، عسگر و پولیس تشکیلات‌لارینا ایشتیراک وضعیتینده، داغیتیلما‌دان بوتون اولا‌راق قاتیلماسی لازیم اولدوغونو دیله گتیردی.

ایچ ایشلر باخانی شووئیل و باخانلیق ایشچیلرینی آشمیش لیدر معمر قذافی‌نین قالیقلاری اولا‌راق کاراکتریزه ائدن گؤستریچی‌لر،’ اینقیلابین بیز بورادایدیک، سیز هارادا ایدینیز؟’ شعارلاری آتدی.

حادثه‌یه مداخیله اولا‌راق گؤستریچی‌لری ساکیت‌لشدیرمک ایسته‌ین میللت وکیل‌لری، طلب‌لرینی باشباخانا گؤستره‌جکلرینی سؤیله‌دی.

اؤتن شنبه گونو ایچ ایشلر باخانلیغیندان ائدیلن آچیقلامادا، چوخ آشاما‌لی بیر پلانلا، اؤلکه‌نین سیلاح‌لاردان آریندیریلاجاغینی ائشیتدیریلمیشدی.

بینغازینی جمعه گونو تشکیل ائدیلن گؤستری‌لرده، اؤلکه‌نین بوتون سیلاحلی قروپلاردان تمیزلنیلمه‌سینی طلب ائتمیشدی.

ت.ر.ت. تورکی

یوروم یازین

Back to Top