دیل سئچین

ماجار تورکلری آتیلا‌نی آندی

macar

اویان نیوز: ماجاریستانین باشکندی بوداپست‌ین بوگاج اوواسینداکی شن‌لیک‌لرده هون امپراتورلوغو حؤکمداری آتیلا آنیلدی.

اویان نیوزن TRT تورکی سیته سیندن آلدیغی معلوماتا گؤره، ماجار توران وقفی طرفین‌دن تشکیل ائدیلن آتا‌لاری آنما شنلیکلرینه، ماجار وطنداش‌لارین یانیندا باشدا قازاقیستان و آذربایجان اولماق اوزره اورتا آسیا تورک جمهوریت‌لری‌نین بوداپستدکی دیپلوماتیک میسیون نماینده‌لری، آکادمیسین‌لر و سیاستچی‌لر قاتیلدی. بوداپستین بوگاج اوواسینداکی شن‌لیکده، تورکیه‌دن ده بیله‌جیک اونیورسیته‌سی رئکتورو پروفسور دکتر عزمی اؤزجان، تورک امکداش‌لیق و کووردیناسیون آژانسی باشقانلیغی (تیکا) یئتکی‌لی‌سی عمر فاروق آلیمجی و بعضی اونیورسیته‌لرین اؤیرتیم عضو‌لری قاتیلدی.

هون امپراتورلوغو حؤکمداری آتیلانین آنیلدیغی ائتکینلیکده دانیشان ماجار توران وقفی باشقانی آندراس بیرو، آتیلانین اینسان‌لیق تاریخینده بؤیوک بیر شخصیت اولا‌راق آنیلدیغینی، بوتون تورک‌لرین اورتاق دیری اولدوغونو، تاریخ صحیفه‌لرینده هله ده بؤیوک بیر آد اولا‌راق وارلیغینی داوام ائتدیردیگینی سؤیله‌دی. بیرو، آتیلانین “آوروپانین قورخولو رؤیاسی” اولا‌راق خاطیرلانماسی‌نین، پاپا‌لیق اوردولارینی یئنمه‌سی و بورانی وئرگییه باغلاماسین‌دان قایناقلاندیغینی خاطیرلاتدی.

آتا‌لاری آنما شئلیکلری، بوگاج اوواسیندا ایکی ایلده بیر گلنه‌کسل اولا‌راق تشکیل ائدیلیر.

یوروم یازین

Back to Top