دیل سئچین

محمود فضلینین دوسیاسیندا سون خبر

اویان نیوز : محمود فضلینین محکمه‌سی، عالی محکمه طرفیندن محکوملوق حکمونون پوزولماسی سببی ایله  فئورالین ۱۹-دا کئچیریله‌جک

محمود فضلینین محکوملوق حکمونون پوزولماسینا گؤره اؤلکه‌نین عالی محکمه‌سی، محکمه ایجلاسینی ۲۰۱۳-جو ایل فئورالین ۱۹-دا دوغو(شرقی) آذربایجان آپللیاسییا محکمه‌سینین ۴-جو شعبه‌سین‌ده کئچیریلمه‌سینه قرار وئردی.

بونو قید ائتملیگیک کی، تبریز کشفیات بوروسونون بیلرکدن مده‌نی فعالی شعبه‌یه کؤچورمه‌مه‌لری فعالین محکمه ایجلاسینین ایپتال اولونماسینا و ۲۰۱۳-جو ایل فئورالین ۱۹-نا کئچیریلمه‌سینه سبب اولدو.

دوغو(شرقی) آذربایجان آپللیاسییا محکمه‌سینین دانیشمانلاری، میکایل خوبیارپور، عباس ایمان‌زاده اولماقلا، علمان(مهدی) نورینین ده محکمه ایجلاسی عینی تاریخ‌ده کئچیریله‌جک.

خبره گؤره و محمود فضلینین وکیلی فقیهینین سؤزلرینه ایستینادن فعالی محکمه‌یه کؤچورمکده کشفیات بوروسونون امکداش‌لیغی اولمازسا، دانیشمانلار غیابی حالدا دوسیایی اینجه‌له‌یه بیلرلر.

بونو دا قید ائتملیگیک کی، محمود فضلییه عائله‌سی ایله علاقه یاراتماق‌دا محدودیت یارادیلیر، مد‌نی فعال سون دفعه حیات یولداشی ایله ۲۰۱۳ ایل فئورالین ۱۷-ده بیر نئچه دقیقه دانیشا بیلیب.

محمود فضلی آذربایجانین ۲۸ نفر مده‌نی فعالی ایله بیرلیک‌ده ۲۰۱۱ ایل آوقوستون ۲۴-او اورمو گؤلو حاقدا دانیشیقلار آپاردیقلاری واخت توتولوب و تبریزین(دوریم)اینقیلاب محکمه‌سی بیرینجی شعبه‌سین‌ده «میللی تحلوکه‌سیزلییه قارشی حرکت» ده اتهام ائدیلرک ۲۴ آی حبس جزاسینا محکوم اولونموش‌دو.

بو خبرین یایین حاققی اویان نیوز سیته سینیندیر و آنجاق قایناق وئررک یایینلانابیلر

یوروم یازین

Back to Top