دیل سئچین

محمود فضلی آجلیق آکسیاسیندادیر

Mahmud bey

اویان نیوز: آذربایجانلی سیاسی محبوس آپرئلین ۷-دن اعتیبارن آجلیق آکسییاسینا باشلاییب.
آپا-نین هراز-آ ایستینادن وئردیگی معلوماتا گؤره، بونو یئنی گاموح تشکیلاتینین مرکزی کومیته‌سینین عوضوو اولان ماحمود فضلی حیات یولداشی ایله تئلئفون دانیشیغی زامانی بیلدیریب.

 بونا سبب کیمی یئنی گاموح تشکیلاتینین عوضولرینین ایشی‌نین یئنیدن آراشدیریلماسی اوچون ایران عالی محکمه‌سینه گؤندریلمه‌مه‌سیدیر.
قئید ائدک کی، تبریز مرکزی حبسخاناسی‌نین رئیسی آپرئلین ۳-ده محبوسلارین پروبلئملری ایله تانیش اولماق اوچون ۱۲-جی بنده گلیب. م.فضلی ده یئنی گاموح تشکیلاتینین عوضولرینین ایشینین یئنیدن آراشدیریلماسی اوچون تئهرانا گؤندریلمه‌مه‌سینه گؤره اؤز اعتیراضینی بیلدیریب. بو دا یئنی گاموح تشکیلاتی‌نین مرکزی کومیته‌سینین عوضوو ایله تبریز مرکزی حبسخاناسینین رئیسی ایله موباحیثه یه سبب اولوب. نتیجه‌ده تبریز مرکزی حبسخاناسی‌نین رئیسی م.فضلی‌نین عونوانینا تحقیرآمیز ایفاده‌لر ایشله‌دیب و اونو مؤعتادلارین  ساخلانیلدیغی ۷-جی بنده سالینماسی باره‌ده گؤستریش وئریب..
خاطیرلاداق کی، ایران اینفورماسییا، تهلوکه‌سیزلیک و کشفیات ناظیرلیگی‌نین (ایططیلاعات) امکداشلاری موهندیس ماحمود فضلی‌نی ۲۰۱۲-جی ایل دئکابرین ۳۱-ده تبریز شهرینده، آیت مهرعلی‌بیگ‌
‌لینی ۲۰۱۳-جو ایل یانوارین ۹-دا تبریزده، دوکتور لطیف حسنی‌نی فئورالین ۶-دا کرج شهرینده، موهندیس شهرام رادمئهری فئورالین ۶-دا مئشگین‌شهر (خییاو) شهرینده و بئهبود قولوزاده‌نی فئورالین ۱۶-دا قوشاچای (مییانداب) شهرینده حبس ائدیب. ل.حسنی یئنی گاموح تشکیلاتی‌نین صدری، دیگرلری ایسه همین قورومون مرکزی کومیته‌سینین عوضولری‌دیرلر.
تبریز اینقیلاب محکمه‌سی آذربایجانلی فعاللاری حاکیمیت علئیهینه تبلیغات آپارماق و قانونسوز تشکیلات یاراتماقدا گوناهلاندیراراق اونلارین عومومی‌لیک‌ده ۴۵ ایل موددتینه آزادلیقدان محروم ائدیلمه‌لری باره‌ده قرار قبول ائدیب. قرار شرقی آذربایجان ویلایتینین آپئلیاسییا محکمه‌سی طرفیندن ده تصدیقله‌نیب. آذربایجانلی فعاللار ایسه باره‌لرینده چیخاریلمیش حؤکمو عدالتسیز حساب ائده‌رک اؤتن ایل ۲۸ گون آجلیق آکسییاسی کئچیریبلر. آنجاق اونلارین طلبلری یئرینه یئتیریلمه‌ییب، عوضینده اییولون ۲۰-ده یئرلری ده‌ییشدیریلیب. آذربایجانلی سیاسی محبوسلار اولجه تئهرانین ائوین حبسخاناسینا، اورادان دا کرجین رجایی‌شهر حبسخاناسینا کؤچورولوبلر، داها سونرا دا تبریز مرکزی حبسخاناسینا گئری قایتاریلیبلار.

یوروم یازین

Back to Top