دیل سئچین

محمود فضلی و مهدی نوری نین محکمه ایجلاسی کئچیریلدی

اویان نیوز اختصاصی: محمود فضلی و مهدی نوری نین محکمه ایجلاسی بو گون دوغو(شرقی) آذربایجان آپللیاسییا محکمه‌سینین ۴-جو شعبه‌سین‌ده کئچیریلیب.

اویان نیوز موخبیرینین وردیی معلوماتا گؤره، بو گون ۲۰۱۳ فئورالین ۱۹-او مهدی نوری و محمود فضلینین محکمه ایجلاسی دوغو(شرقی) آذربایجان آپللیاسییا محکمه‌سینین ۴-جو شعبه‌سین‌ده دملییک کی محمود فضلی ایکی نفر تبریز کشفیات بوروسونون مأمورلارینین موشاییتی و مهدی نورینین آتا آناسی اوردا اولماقلا محکمه ایجلاسین‌دا حاضیرلانیبلار. محمود فضلینین حیات یولداشی بیر نئچه هفته‌دن سونرا محکمه زالین‌دا اونو گؤرمیی باشارا بیلیب. آزرباجانین بو ایکی میللی مده‌نی فعالینین وکی‌لیکلرین عباس فقیهی و فاطمه ستاری اؤز اوزرینه آلییبلار. بیلدیریه گؤره بو ایجلاس میللی مده‌نی فعاللارینلارین اتهاملارینا باخمانین سونونجو ایجلاسی ایدی، اؤنوموزده‌کی گونلرده سون سس وئریله‌جک.

بونو دئملیگیک کی آذربایجانین بو ایکی میللی مده‌نی فعالی ۲۷ نفر مده‌نی فعالی ایله بیرلیک‌ده ۲۰۱۱ ایل آوقوستون ۲۴-او اورمو گؤلو حاقین‌دا دانیشیقلار آپاردیقلاری واخت توتولوب و تبریزین(دئوریم)اینقیلاب محکمه‌سینین ۱-جی شعبه‌سین‌ده «میللی تحلوکه‌سیزلییه قارشی حرکت» ده اتهام ائدیله‌رک ۲۴ آی حبس جزاسینا محکوم اولموش‌دولار.

آپللیاسییا محکمه‌سین‌ده بو حؤکم قوه‌ده ساخلانیلدیق‌دان سونرا بونلارین اعتراضی ایله اؤلکه‌نین یوکسک محکمه‌سی ۳۲-جی شعبه‌سین‌دن یئنی‌دن باشوورو اوچون دوغو(شرقی) آذربایجان ویلایتینین ۴-جو شعبه، آپللیاسییا محکمه‌سینه سؤوق ائدیلمیش‌دی.

بو خبرین یایین حاققی اویان نیوز سیته سینیندیر وآنجاق قایناق وئررک یایینلانابیلیر.

یوروم یازین

Back to Top