دیل سئچین

"من اولسام عذر دیله‌ردیم"

اویان نیوز : ایسراییل اسکی باشباخانی اولمرت: اگر باشباخان اولسایدیم، ماوی مارمارا سال‌دیریسیندا اؤلن‌لر اوچون عذر دیله‌ردیم

 

 ایسراییل اسکی باشباخانی اهود اولمرت، نتانیاهو حکومتی‌نین تورکیه سیاستینی الشدیردی.

اولمرت، “اگر باشباخان اولسایدیم، ماوی مارمارا سال‌دیریسیندا اؤلن‌لر اوچون عذر دیله‌ردیم” دئدی.‌ اولمرت، تل‌آویوده دوزنلنن وکیل‌لر سندیکا‌سی کنفرانسینداکی چیخیشیندا ماوی مارمارا باسقی‌نینا دا توخوندو. اسکی ایسراییل باشباخانی اهود اولمرت، “اگر باشباخان اولسایدیم، سیویللر حیاتینی ایتیردیگی اوچون تورکیه باشباخانی اردوغان‌دان و تورک خالقین‌دان عذر دیله‌ردیم و اولایدان ایکی گون سونرا حکومتله اوزلاشماق اوچون ایله‌دیشیمه گئچردیم ایفاده‌سینی قوللاندی.

غزه‌یه یاردیم آپاران ماوی مرمره گمی‌سی، ۲۰۱۰ می آییندا ایسراییلین سالدیریسینا اوغرامیش، ۹ تورک یاردیم گؤنول‌لوسو حیاتینی ایتیرمیشدی.‌ اولمرت چیخیشیندا فلسطین مسئله‌سینه ده توخوندو، ۳.جو انتفاضه‌نین هر آن باشلایا‌بیله‌جیی اویاریسینی ائتدی.

بو آرادا حاقیندا قارا پول آغلاما، یول‌سوزلوق و گؤره‌وی سوءایستیفاده سوچلامالاری بولونان ایسراییلین خاریجی ایشلر باخانی آویگدور لیبرمان، پلیس طرفین‌دن بیر دفعه داها ۴۰ دقیقه بویونجا سورغولاندی.

باشباخان بینیامین نتانیاهونون، خاریجی ایشلر باخانلیغی گؤره‌وینی کادیما پارتیسین‌دن آیریلا‌راق یئنی بیر پارتی قوران تزیپی لیونی‌یه اؤنرمه‌یی دوشوندوگو بیلدیریلیر.

ت. ر.ت. تورکی

یوروم یازین

Back to Top