دیل سئچین

مهدی (ائلمان) نوری تبریزین مرکز زیندانینا اینتیقال وئریلدی

elman

اویان نیوز: آذربایجانلی مدنی فعال مهدی (ائلمان) نوری تیبریزین مرکز زیندانینا اینتیقال وئریلدی.

اویان نیوزون سانا نیوزدان آلدیقی خبره گؤره، ۱۳۹۲ خوردادین ۱۳ آذربایجانلی مدنی فعال مهدی (ائلمان) نوری تیبریزین مرکز زیندانینا اینتیقال وئریلدی. بو مدنی فعال خورداد آینین ۴ اینجی گونو بیر هفته خبرسیزلیغیندن سونرا تئلفون ائده رک توتوقلانماسیندان و تبریز ایطیلاعاتیندا اولوغوندان خبر وئرمیشدی. بو راپورا دایاناراق تحصیل آماجینا تورکیه یه گئتمه سی بو مدنی فعالین توتوقلانما سببی اولموشدور.

بوندان قاباقدا مهدی (ائلمان) نوری ۱۳۹۰ شهریور آینین ۲ اینجی گونو ۲۸ کیشی ایله بیرلیکده اورمو گؤلونو قورتارما سمیناریندا توتوقلانیب و تبریز اینقیلاب محکمه سینین بیرینجی شعبه سی طرفیندن میللی امنیته قارشی گیزلی آنلاشما ایدعاسی ایله ۲۴ آی حبسه ماحکوم اولموشدو. بو حؤکوم ویلایتین (اوستانین) تیکرار باخما دادگاهیندا تایید اولونجا بو مدنی فعالین اعتیراضی ایله اؤلکه نین عالی عدالت محکمه سینین ۳۲ اینجی شعبه سینده ایبطال، تیکرار باخیلماسی اوچون دوغو آذربایجان ویلایتینین ۴ اینجی شعبه سینه گؤندریلیب دیر. سونوندا دوغو آذربایجان ویلایتینین تیکرار باخما دادگاهینین ۴ اینجی شعبه سی طرفیندن محمود فضلی و مهدی (ائلمان) نوری برائت اولموشدولار.

“اویان نیوز”و قایناق گؤستره رک بو خبر پایلاشیمیندا بیر معذرت یوخدور.

سابقه خبر اویان نیوز-دا :

مهدی (ائلمان) نوری نین قارداشینین حیات یولداشی امنیت مامورلارینین قورخوسوندان اوشاغینی سالدی

مهدی (ائلمان) نوری تبریز ایطیلاعاتیندا

یوروم یازین

Back to Top