دیل سئچین

مهدی (ائلمان) نوری نین قارداشینین حیات یولداشی امنیت مامورلارینین قورخوسوندان اوشاغینی سالدی

elman

اویان نیوزا اوزل: مهدی (ائلمان) نوری نین قارداشینین حیات یولداشی امنیت مامورلارینین بیردن بیره اوه گیرمه لری و زوراکیلیق گوسترمه لری نتیجه سینده، روحی‌ هیجان و قورخودان اوشاقینی سالدی.

بیلگیلی بیر قایناقدان آلینان راپورا گؤره سون هافتالار امنیت مامورلاری بیر نئچه سفر بو مدنی فعالی توتوقلاماق اوچون آتاسینین ائوینه گلدیکلرینده بو مدنی فعالین قارداشینین حیات یولداشی مامورلارین پیس و شیدتلی داورانمالاریندان قورخاراق اوشاغینی سالیبدیر.

دئیلمه لیدیر کی‌ بو آذربایجان مدنی فعالینین عایله سی‌ ائولادلارینین دورومونو اؤیرنمک اوچون تبریز محکمه سینه باش ووردوقلاریندا قارداشینین حیات یولداشینین دوقتور راپورلارینی دا بازپورس هاشم زاده یه وئریبلر.

خاطیرلاتیلمالیدیر خورداد آینین ۴ اینجی گونو مهدی (ائلمان) نوری بیر هفته خبرسیزلیغیندن سونرا تئلفون ائده رک توتوقلانماسیندان و تبریز ایطیلاعاتیندا اولوغوندان خبر وئریبدیر.

اویان نیوزو قایناق گؤستره رک بو خبر پایلاشیمیندا بیر معذرت یوخدور.

یوروم یازین

Back to Top