دیل سئچین

مهدی کوخیان گئنه ده 1 ایل زیندانا محکوم اولدو

mehdi kuxıyan

اویان نیوز: آذربایجانلی میللی – مدنی فعال مهدی کوخیان ماراغا اینقیلاب محکمه سی طرفیندن ۱ ایل زیندانا محکوم اولدو.

اویان نیوزون محکمه وکیلی نقی محمودی دن آلدیقی راپورا گؤره، آذربایجانلی میللی – مدنی فعال مهدی کوخیان نیظاما قارشی تبلیغات آپارما ایدعاسی ایله ماراغا اینقیلاب محکمه سینین بیرینجی شعبه سی طرفیندن ۱ ایل تعزیری زیندانا ماحکوم اولدو. ماراغا اینقیلاب محکمه سینین باشقانی قاضی باقرپور اینقیلاب محکمه سینده کی سابیقه و ایطیلاعات ایداره سینین راپورونا دایاناراق بو مدنی فعالین ماحکوم اولماسینا قرارصادیر ائله دی.

مهدی کوخیان بوندان قاباقدا ۱۳۹۱ ایسفند آینین ۲۲- سی نیظاما قارشی فعالییت ایدعاسی ایله ماراغا اینقیلاب محکمه سی طرفیندن ۱ ایل زیندانا ماحکوم اولموشدو.

بو مدنی فعال تیکرار شنبه گونو ۱۳۹۲ خوردادین ۴-و گؤز آلتینا آلیندی و ۱۳۹۲ خوردادین ۸-ی ماراغا زیندانینا اینتیقال وئریلدی و ایندی ماراغا زیندانیندا حبس ده دی.

سون گونلرده آذربایجانلی مدنی فعال مهدی کوخیان-ین دورومو چوخ پیس راپور ائدیلیر.

بو فعالین جیسمی دورومونون چوخ پیس اولماسینا باخمایاراق ماراغا دادیستانی آذربایجانلی بو فعالین بؤیرک تداوی سی اوچون موتخصیص دوقتورا گئنمه سینه ایجازه وئرمیر.

آذربایجانلی بو فعالین یاخینلارینین دئدیکلرینه گؤره، مئهدی کوخیان سوپاهین ایطلاعات مامورلاری طرفیندن ایشکنجه ائدیله رک ساغ اَلی سیندیریلیب و بؤیره کلری جیدی ضرر گؤروبدی.

“اویان نیوز”و قایناق گؤستره رک بو خبر پایلاشیمیندا بیر معذرت یوخدور.

سابقه خبر اویان نیوز-دا:

ماراغا زیندانیندا اولان مهدی کوخیان ینین جیسمی دورومو چوخ پیسدی

ماراغانین زیندان مسئوللاری مهدی کوخیان-ین ساغلیق مرکزلرینه گؤتورولمه سینه انگل قویدولار

مهدی کوخیان گئنه ده توتوقلاندی

سوپاه مامورلاری مئهدی کوخیانی دؤوه رک ساغ اَلینی سیندیردیلار

یوروم یازین

Back to Top