مهران مدیری'نین یئنی سئریالی تورکجه دوبله ایله!

اویان نیوز: “قهوه تلخ” سئریالی خوصوصی یاییم شبکه‌سینده اوغور قازاندیقدان سونرا، مهران مدیری’نین یئنی سئریالی، ساده‌جه فارسجا دئییل، تورکجه دوبله ایله ده ساتیلاجاق. بوندان اؤنجه فارسجا سئریال‌لاری قوزئی آذربایجان اوچون دوبله ائدن دوبلورلار، بو دفعه “ویلای من” سئریالینی ایراندا یاشایان تورکلره اویغون اولاراق حاضیرلاماقدادیرلار.

بو ایش، پول قازانماق آماجی ایله اولسا دا، دیلیمیزین خئیرینه اولاجاغی کسیندیر . نهایت کی بیزیم دیلیمیز و مدنیتیمیز یولو ایله ده قازانانلار اولاجاق! بو ایش اوغور قازانارسا، گله‌جکده دیلیمیزده یازیلی و گؤرونتولو اولاراق بیر چوخ ماتئریالین تولیدینی بکله‌یه بیله‌ریک. اونا گؤره بونو بیر اؤنملی فورصت کیمی ده دَیرلندیرمک اولار!

سئریالین تورکجه دوبله‌سیندن بیر بؤلوم:

http://www.youtube.com/watch?v=9LZtJKUjkDw

سئریالین دوبلورلاری‌نین فیکیرلری:

http://www.youtube.com/watch?v=qDo9SR7BFyE

“ویلای من” سئریالی‌نین فیسبوک صحیفه‌سی:
https://www.facebook.com/Vilayeman.series

آزربایجان ایشچیلری

یوروم یازین

Back to Top