دیل سئچین

موسلوم گورسسین اؤلوم آیاغین‌دا اولدوغو بیلدیریلیب

اویان نیوز: تورک مئدیاسین‌داکی خبرلره اساساً مشهور تورک موغننیسینین بیین اؤلومو کئچیردیی باره‌ده داها اؤنجه یاییم‌لانان خبرلر تکذیب اولونوب.

موغه‌ننینین صونعی نفس ماشینینا قوشولدوغونو دئین حکیم گورسسین دورومونون آغیر اولدوغونو بیلدیریب.

 «اونون وضعیتی یاخشی دئییل و بیز اونو هر آن ایتیره بیلریک»، ایستانبولداکی خسته خانانین حکیمی دؤکتور دنیز شئنئر دئییب.

آنادولو آگئنتلیینه آچیقلاماسیندا حکیم هوشسوز حالدا قالان گورسسین رئانیماسییا بؤلمه‌سینده ساخلانیلدیغینی بیلدیریب.

۱۹۵۳-جو ایلده شانلی اورفا شهرین‌ده آنادان اولموش موسلوم گورسس اؤز اونیکال ایفا اوسلوبو ایله آرابسک ماهنیلارینین کلاسیک ایفاچیسی کیمی تانینیب.

گورسسین ایتکی، هیجران و کدر موتیولری اوزرینده قورولموش لیریکاسی اساساً آشاغی گلیرلی غیری-شهرلی گنجلر طبقه‌سی آراسین‌دا پوپولیار اولوب.

لاکین یارادیجیلیغینین سونراکی مرحله‌سین‌ده رئپئرتوارینی پوپ و روکلا زنگینلش‌دیر‌ن موغه‌ننی یئنی آودیتورییایا مراجعت ائدیب.

«موسلوم بابا» آدی ایله چاغیریلان گورسس ۷۱ آلبوم بوراخماقلا ۳۸ فیلم‌ده چکیلیب.

 

بی بی سی

یوروم یازین

Back to Top