دیل سئچین

میرزه فتحعلی آخوندزاده آنیلدی

تورکسوی طرفین‌دن اعلان ائدیلن “۲۰۱۲ میرزه فتحعلی آخوندزاده” ایلی باشا چاتیر.

اونلو آذربایجان‌لی اویون یازاری آخوندزاده‌نین آنیلدیغی قاپانیش ائتکینلیک‌لری قوزئی قیبریس تورک جمهوریتینده باشلادی. اولوسلارآراسی تورک کولتورو تشکیلاتی، تورکسوی طرفین‌دن ۲۰۱۲.جی ایل مشهور آذربایجان‌لی اویون یازاری میرزه فتحعلی آخوندزاده‌نین آنا‌دان اولماسی‌نین ۲۰۰.جو ایلی اولماسی وسیلسیله آخوندزاده ایلی اولا‌راق اعلان ائدیلمیشدی. بو ایل چرچیوه‌سینده پانئل‌لر، آنما فعالیت‌لری، فیلم گؤسیریم‌لری و تاتر اویون‌لاری‌نین سرگیلنمه‌سی کیمی بیر چوخ ائتکینلیک حیاتا گئچیرن تورکسوی، قاپانیش ائتکینلیک‌لرینه قوزئی قیبریس تورک جمهوریتینده باشلادی.

آذربایجان یازیچی‌لار بیرلیگی باشقانی آنار رضایئو، “چوخ موتلویام کی تورک دونیاسی‌نین بؤیوک صنعتچی‌سی، دوغونون ایلک درام یازاری میرزه فتحعلی آخوندزاده اوچون تورک دونیاسی‌نین بو جنت وطنینده، قوزئی قیبریسدا ائتکینلیکلر یاپیرلار” دئدی.

تورکسوی باش یازمانی دوسئن کاسینوو دا، “آخوندزاده چوخ یؤنلو بیر اینسان، آنجاق تورکسوی اولا‌راق بیز داها چوخ ادبیات و تاتر ایله ایلگیلی اؤنجولویونه وورغو ائتمکده‌ییک. تورک دونیاسی‌نین ایلک درام قورغوجوسو اولان آخوندزاده ان چتین ساحه‌لرین بیریله، کمدیله توپلومون آیدینلانماسینا، آنا دیلین گوزللشدیریلمه‌سینه چالیشمیش‌دیر. باتینی دوغویا و دوغونو دا باتییا تانیتمیش‌دیر” دئدی. دوغو آغ‌دنیز اونیورسیته‌سینده دوزنلنن ائتکینلیکده آخودزاده‌نین حیاتینی آنلادان “صاباحین ائلچی‌سی” فیلمی‌نین ده ایلک گؤستریمی واردی.‌ ۱۷-۱۸ دسامبر ۲۰۱۲ تاریخ‌لری آراسیندا، آنکارا و ایستانبولدا گرچکلشدیریله جک قاپانیش ‌ائتکینلیکلری ایله میرزه فتحعلی آخوندزاده ایلی سونا چاتا‌جاق.

http://www.trtturki.com

یوروم یازین

Back to Top