دیل سئچین

میصیردا یئنی آنایاسا قبول ائدیلدی

اویان نیوز : میصیر یوکسک سئچیم کمیته‌سی‌نین رسمی نتیجه‌لرینه گؤره سئچیجی‌نین یوزده ۶۳ ویرگول ۸ی یئنی آنایاسایا ائوئت دئدی

 

میصیر یوکسک سئچیم کمیته‌سی‌نین رسمی نتیجه‌لرینه گؤره سئچیجی‌نین یوزده ۶۳ ویرگول ۸ی یئنی آنایاسایا ائوئت دئدی.

آنایاسا رفراندومونا قاتیلیم اورانی یوزده ۳۲ ویرگول ۹ اولا‌راق آچیقلاندی. یوکسک سئچیم کمیته‌سی باشقانی سامیر ابو المعاطی، رفراندومدا محکمه دئنه‌تیمی‌نین اسکیک‌سیز اولدوغونو، شیکایت‌لرین ده بؤیوک بیر واسواسلا آراشدیریلدیغینی ایفاده ائتدی. خالق اویلاماسی‌نین رسمی نتیجه‌لری‌نین آچیقلانماسی‌نین آردین‌دان مخالیف بیر قروپ باشکند قاهیره‌دکی ۶ اکتبر کؤرپوسو اوزرینده لاستیک یاندیرا‌راق سونوجا اعتراض ائتدی. مخالیف لیدئرلردن خالید داوود، یئنی آنایاسانین اوزون سوره‌لی اولمایاجاغینی ادعا ائتدی.

رفراندومدا یوخ اویو قوللانان مخالیفت، رسمی نتیجه‌لرین آچیقلانماسین‌دان اؤنجه آنایاسایا قارشی مباریزه‌یه داوام ائده‌جک‌لرینی ایفاده ائتمیشدی. مخالیف‌لرین چاتی قورولوشو اولان میللی قورتولوش جبهه‌سی ده رفراندومدا بیر چوخ اصولسوزلوک ائدیلدیگینی ساووناراق بون‌لارین سوروشدورولماسینی ایسته‌میشدی. مسلمان قارداش‌لار حرکاتی‌نین مخالیفته یؤنه‌لیک دیالوگ چاغری‌لاری ایسه داوام ائدیر. قبول ائدیلن یئنی آنایاسایا گؤره پارلمان سئچیم‌لری‌نین ۶۰ گون ایچری‌سینده ائدیلمه‌سی گرکیر.

بو آرادا آمریکا بیرلشمیش دؤولت‌لری‌ ده میصیرداکی بوتون طرف‌لره داها چوخ سیاسی امکداش‌لیق چاغریسی یاپدی.

آچیقلامادا اؤلکه‌ده آیریلان قروپ‌لاری عاجل اولا‌راق بیر آرایا گتیرمه‌نین دموکراتیک یوللا سئچیلن پرزیدنت محمد مورسینین سوروملولوغو اولدوغو ایفاده ائدیلدی.

ت. ر.ت. تورکی

یوروم یازین

Back to Top