دیل سئچین

میلیاردر ایش آدامی چینده تیتانیک II آدییلا گمی‌نین بیره-بیر بنزرینی اینشا ائتدیریر

اویان نیوز: ایلک روتاسی‌نین دا تیتانیک ایله عینی اولماسی پلان‌لانان گمی‌نین اکیزی‌نین ایچی اصلی‌نین آرشیو فوتوشکیل‌لرینه باخیلا‌راق حاضیرلانیر

اینشا ائدیلدیگی دؤورده باتمایاجاغی ایره‌لی سورولن تیتانیک، ۱۰ آوریل ۱۹۱۲-جی ایلده ایلک و سون سفرینه اینگیلتره‌دن باشلامیش و سفری‌نین دؤردونجو گونونده کانادا ساحل‌لرینده بیر بوز داغینا چارپا‌راق باتمیشدی.

بیر نئچه ساعات ایچینده باتان، دؤورون ان بؤیوک سرنیشین گمی‌سی، اکثریتی مورتّباتدان و اوچونجو صینیف یولجولاریندان‌ مین ۵۱۷ آداما مزار اولموشدو.

دؤورونون ان بؤیوک گمی‌سی افسانوی تیتانیک بو گون‌لرده آوسترالیا‌لی بیر تشببوسکارین پروژه سی ایله یئنیدن گوندمده.

میلیاردر ایش آدامی چینده تیتانیک II آدییلا گمی‌نین بیره-بیر بنزرینی اینشا ائتدیریر.

۲۰۱۶-جی ایلده دنیزه ائندیریله‌جک تیتانیک ایینین ایلک سفری اوچون دونیانین دؤرد بیر یانیندان طلب گلیر. ۴۰ مین آدام مراجعت ائتدی. بیلت اوچون ۱ میلیون دو‌لاری بئله نظردن چیخاران‌لار وار. راحتلیق و لوکس معناسیندا هر شئیی ایله ان یاخشی اولانی تقدیم ائده‌جک.

ایلک روتاسی‌نین دا تیتانیک ایله عینی اولماسی پلان‌لانان گمی‌نین اکیزی‌نین ایچی اصلی‌نین آرشیو فوتوشکیل‌لرینه باخیلا‌راق حاضیرلانیر.

یئنی تیتانیک گوونلیک قایغی‌لارینی آرا‌دان قالدیرا‌جاق شکیلده سون تکنولوژی‌لرله ده تجهیز ائدیلیر.

ان بؤیوک دگیشیک‌لیگه سو آلتین‌داکی حیسه‌ده گئدیله‌رک اوّلکیندن فرق‌لی اولا‌راق پرچینله توتدورولما یئرینه قایناق ایستیفاده ائدیله‌جک.

داها بؤیوک بیر سوکان و پروانه‌لر گمی‌نین مانور غابیلیتینی آرتیرا‌جاق.

محکم جان سیمیت‌لری، قوروما‌لی ائنیش مکانیزمی و جمعیته آچیق اوتاق‌لار اولان گوونلیک گؤیرته‌سی علاوه اولونا‌جاق.

۲۷۰ متر اوزونلوغونداکی یئنی تیتانیکین آغیرلیغی ۶۵ مین تون اولا‌جاق.

بیر چوخ کیتاب و فیلمه موضوع اولان تیتانیک باتیشی‌نین یوزونجو ایلدؤنومونده کئچن ایل بیر گمی عینی سایدا یولجویلا، عینی گون، عینی یئردن یولا چیخا‌راق تاریخین ان بؤیوک دنیز فاجعه‌سی‌نین یاشاندیغی روتانی ایزلمیشدی.

بیرلشمیش میللت‌لر تشکیلاتی‌نین تحصیل، علم و مدنیت تشکیلاتی یونسکو-نون دا گمی‌نین داغینتیلارینی اولوسلار آراسی قوروماغا آلمیشدی.

ت رت

یوروم یازین

Back to Top