دیل سئچین

ناسا سونوندا آچیقلادی: دونیایا بنزه‌یَن گَزه‌گن تاپیلدی

CKnrh3BWgAEKLk4-1

اویان نیوز:  ناسا، اوزای {فضا} تلسکوپو، کپلر-ین، یئرکوره‌سینه بنزه‌ین بیر گزه‌گن کشف ائتدیینی بیلدیردی. گزه‌گن-ه «کپلر-۴۵۲b» آدی وئریلدی.

آمریکا میللی هاواچیلیق{هوا شناسی} و اوزای دایره‌سی (ناسا)، دونیانین۱۴۰۰ ایشیق ایلی{سال نوری} اوزاقلیغیندا، (قو قوشو{Cygnus} سیرا اولدوزلاریندان{صور فلکی})، یئرکوره‌سینه بنزه‌ین بیر گزه‌گن تاپیلدیغینی آچیقلادی. «کپلر-۴۵۲b» آدی وئریلن گزه‌گن، یئرکوره‌سیندن داها بؤیوک و داها یاشلی‌دیر.

ناسا-نین واشینگتون‌داکی مرکزینده تشکیل ائدیلن مطبوعات کنفرانسیندا، ۲۰۰۹-جو ایلده، اوزایا گؤنده‌ریلن کپلر تلسکوپو ایله کشف ائدیلن و «کپلر-۴۵۲b» آدی وئریلن گزه‌گن-ین، اؤز اولدوزوندان اولان مسافه‌سی، یاشاماق اوچون و سو توپلانابیلر قدر اویغون‌دور.

ماراقلاندیریجی سونوج‌لار

«ناسا»نین اوست‌سوییه صلاحیتلی‌لریندن اولان John Grunsfeld، مطبوعات کنفرانسیندا ائتدییی آچیقلامادا، دئدی: «کایناتداکی باشقا گونش‌لرین دئوره‌لرینده ده گزه‌گن‌لر اولدوغو کشفی‌نین ۲۰.جی ایل دؤنومونده، کپلر تلسکوپو یاردیمی ایله، گونش و یئرکوره‌سینه بنزه‌ین بیر اولدوز-گزه‌گن تاپیلدی. الده ائتدییمیز ماراقلاندیریجی سونوج‌لار، بیزی کایناتدا ایکینجی دونیانی تاپماغا بیر آددیم داها یاخینلاشدیریر.»

یئرکوره‌سینین بؤیوک عمی‌سی اوغلو

کپلر بیلگی‌آنالیزی بؤلوموندن{بخش تحلیل داده‌های کپلر} اولان Jon Jenkins، دئدی: «کپلر-۴۵۲b»نی یئرکوره‌سینین داها یاشلی و داها بؤیوک عمی‌سی اوغلو اولاراق تعیین ائده بیله‌ریک. گزه‌گن، دونیانین، یاشامالی بیر یئره نئجه گلیب چاتدیغینی آنلاتماغا یاردیمچی اولاجاق.»

Jon Jenkins، سؤزلرینه بئله داوام ائتدی:

«بو گزه‌گن، یئرکوره‌سیندن داها اوزون مدت‌دیر؛ یاشاماغا گرکلی اولان مسافه‌ده، اولدوزونون دئوره‌سینه دولانیر. بو دا گزه‌گن‌ده، یاشام اوچون گرکلی اولان بوتون مادده‌لرین اولدوغونا ایشاره ائدیر».

دؤنوشونو ۳۸۵ گون‌ده تاماملاییر

دیامتری{قطر}، یئرکوره‌سیندن، یوزده ۶۰ داها بؤیوک اولان «-۴۵۲b»، «سوپر دونیا»{ابر زمین} بؤلومونده یئر توتور. گزه‌گن، اؤز اولدوزونون، چئوره‌سینه{محیط} دؤنوشونو{چرخش} ۳۸۵ گون‌ده تاماملاییر. «کپلر-۴۵۲b»ین اولدوزونون{گونشی‌نین}، تخمیناً ۶ میلیارد یاشیندا اولدوغو سانیلیر{فرض ائدیلیر}. گونش‌دن ۱،۵ میلیارد ایل داها یاشلی و همن ایستیلیلیکده‌ اولدوغو بلیرلَنیب{مشخص اولوب}. دیامتری گونش‌دن یوزده ۱۰ داها چوخ اولان، گونش‌دن یوزده ۲۰-ده داها پارلاقدیر. «کپلر-۴۵۲b»، ایندییه قدر، یاشاما اویغون، تاپیلان گزه‌گن‌لر آراسیندا، اَن کیچییی تعیین اولوندو.

ایستیخانا اقلیمی{آب و هوای گلخانه‌ای}

گزه‌گن-ین ، حال-حاضردا ایستیخانا اقلیمی مرحله‌سینده اولدوغو سانیلیر. بو مرحله‌ده، اولدوزدان یاییلان انرژی، چئوره‌سینده‌کی گزه‌گن-ین اوزونون ایستیلیینین آرتماسینا یول آچیر. دونیانین، ایستیخانا اقلیمی مرحله‌سینه، بیر میلیارد ایل سونرا گیره‌جه‌یی سانیلیر. ناسا، کشفین «Astrophysical Journal» ژورنالین‌دا یاییملاناجاغینی دا ائشیتدیردی.

چئویرن: افشین شهبازی – بیلیم سسی

قایناق: CNN & رادیو فردا

یوروم یازین

Back to Top