دیل سئچین

نسیمی - گرکمز

اویان نیوز :

منه سنسیز جهان ای جان گرکمز

وصالون واریکن هیجران گرکمز

لب لعلون زلال آبیندان ئوزگه

شراب چشمه حیوان گرکمز

غموندور کونلومون تختینده سولطان

بیر اقلیمه ایکی سولطان گرکمز

گلستانین گولی سنسیز تیکان دور

منه سنسیز گول و ریحان گرکمز

ازلدن قیلمیشام عشقونله پیمان

بوتون عهده سینیق پیمان گرکمز

گل ای عاشیقلرین ریضوانی حسنون

کی سنسیز عاشیقه ریضوان گرکمز

منه رحم ائیله ای دردیم داواسی

کی بیلدیم دردیمه درمان گرکمز

ایکی عالمده دیدارون دان ئوزگه

منه ای صورت رحمان گرکمز

وصالون شربتین ایچن محبه

فراقون آغریسی چندان گرکمز

منه صبر ائیلمک سنسیز نیگارا

اگر مشکول و گر آسان گرکمز

کسیلمز گر چه وصلوندن نسیمی

گؤزوندن اولدوغون پنهان گرکمز

عماد الدین نسیمی

یوروم یازین

Back to Top