دیل سئچین

نوروز قوتلامالاری ۲. تورک دونیاسی شن‌لیگی فعالیت‌لری ایله باشلادی

اویان نیوز: قازاخیستان، تورکیه، آذربایجان، قیرقیزیستان، اؤزبکیستان، شیما‌لی قیبریس تورک جمهوریتی، کوسووو و مقکدونیه‌نی تانیدان سرگیلر تشکیل ائدیلدی

نوروز قوتلامالاری، آنکارا چانکایا اونیورسیته‌‌سی کامپوس ساحه‌سینده ۲. تورک دونیاسی شن‌لیگی فعالیت‌لری ایله باشلادی.

قازاخیستان، تورکیه، آذربایجان، قیرقیزیستان، اؤزبکیستان، شیما‌لی قیبریس تورک جمهوریتی، کوسووو و مقکدونیه‌نی تانیدان سرگیلر تشکیل ائدیلدی.

آنکارا کلوبو سئغمنلر قروپو، قافقاز سولو، افه-زیبک گؤستری‌سی، ائلازیغ درنکی چایدا چیرا قروپو، ESAV خالق اویونلاری قروپو، یئنی‌محله بلدیه‌سی توبیل خالق اویونلاری قروپو و تورک موزیغی توپ‌لولوغو طرفیندن خالق اویون‌لاری نومایش‌لری ائدیلدی و کونسرت‌لر وئریلدی.

قازاقیستانین آنکارا سفیری جانسیت تویمئبایف، قوناق‌لارا جمهور باشقانی دولت باشقانی نورسلطان نظربایئوین سئچیلمیش اثرلریندن ییغیلا‌راق، ۲۰۱۲-جی ایلده، ۵ جیلدده نشر اولونان کیتاب‌لاری و قازاقیستان-تورکیه: دوستلوق ایله ایشبیرلیغینین ۲۰ ایلی آدلی کیتابی هدیه ائتدی.

جانسیت تویمئبایئو چیخیشیندا “تورک دونیاسی شن‌لیگی فعالیت‌لری بیر-بیریمیزی داها یاخشی تانییابیلمه‌میز اوچون ائدیلیر. بوندان سونرا، بیر هفته داوام ائدن تدبیرلر تشکیل تکلیف ائدیرم.” دئدی.

آلتای‌لاردان آرا‌لیق دنیزینه قدر، ۲۰۰ میلیوندان چوخ اینسانی گؤروشدورن نوروز بایرامی‌نین اورتاق بایرام اولدوغونا ایشاره ائدن تویمئبایئو، بو گونون طبیعتین جانلاندیغی گون اولدوغونو سؤیله‌دی.

ت رت

یوروم یازین

Back to Top