دیل سئچین

واشینگتوندا دونیا آذربایجان‌لی‌لاری‌نین همری‌لیک گونو و یئنی ایل موناسیبتیله تدبیر کئچیریلیب

اویان نیوز : واشینگتوندا دونیا آذربایجان‌لی‌لاری‌نین همری‌لیک گونو و یئنی ایل موناسیبتیله تدبیر کئچیریلیب .ازربایجان آراشدیرما‌لاری اوزره واشینگتون مرکزی” طرفین‌دن واشینگتوندا ۳۱ دئکابر – دونیا آذربایجان‌لی‌لاری‌نین همری‌لیک گونو و یئنی ایل موناسیبتیله شنلیک تدبیری کئچیریلیب.

تدبیره باشکند و یاخین‌لیقدا یئرلشن ویرجینیا و مریلئند ایالتلرینده یاشایان آزربایجانیلار قاتیلیب.آچیلیش نیتقی ایله مرکزین رهبری قدیر شیرلیئو و آزربایجانین آبش-داکی سفیری ائلین سولئیمانوو چیخیش ائدیب.

شیرلیئو حاضریرکی تدبیری تشکیل ائتمکده مقصدین هر بیر آذربایجان‌لی اوچون عزیز اولان ۳۱ دئکابر همری‌لیک گونو و یئنی ایل عرفه‌سینده آبش-دا یاشایان هموطن‌لریمیزی قارداش‌لیق وقارشی‌لیق‌لی آنلاییش روحونون حؤکم سوردوگو بیر موحیطده توپلاماق اولدوغونو سؤیله‌ییب.سفیر ائ.سولئیمانوو اؤز نؤوبه‌سینده موستقیل آزربایجانین ائتدیگی اینکیشاف و ترققی یولونا نظر سالیب، جمهور باشقانی ایلهام علیئوین دونیا آذربایجان‌لی‌لارینا مراجعتین‌دن سیتات‌لار گتیره‌رک، موستقیل دؤولتیمیزین دونیادا یاشایان بوتون آذربایجان‌لی‌لارین دوغما یوردو و گوون یئری اولدوغونو وورغولاییب.

سفیر سویداش‌لاریمیزی بیرگه ایشلر گؤرمکله، وطنیمیزین چیچکلنمه‌سینه فال صورتده دستک وئرمه‌یه چاغیریب.واشینگتوندا فعالیت گؤسترن “قاراباغ فوندو”نون  صدری، آمریکا آذربایجان‌لی‌لاری شبکه‌سی‌نین دیرئکتورو عادیل باغیروو همری‌لیک گونونون تاریخی باره‌ده ایشتیراکچی‌لارا معلومات وئریب و اونلارا تمسیل ائتدیگی تشکیلات‌لارین گؤردوگو ایشلر باره‌ده دانیشیب. عادیل بئی آزربایجان ساده جه قوزئی دن عیبارت دییل بلکی گونئی ایله بوتولشیر دییه مجلیسده ایشتیراکچیلاری جوشدوردو.اصلن اورمو شهریندن اولان حبیب بئی آزر سینا گونئی آزربایجانیلار طرفیندن چیخیش ائتدی موستقیل آذربایجان، همری‌لیک گونو ایله باغلی دونیا آزربایجانیلاری تبریک ائدرک گونئی آزربایجان حاضیرداکی دورومو و اورمو گولو قورودولماسی حاقیندا اطافلی معلومات وردی.

داها سونرا شن‌لیک ایشتیراکچی‌لاری آذربایجان متبخی‌نین لزیز یئمک‌لرینه قوناق ائدیلیب و اونلارا آذربایجان خالق و معاصر موسیقی نؤمره‌لری‌نین جان‌لی ایفاسیندا کونسئرت پروقرامی تقدیم اولونوب.آذربایجان‌دان اوزاقدا همری‌لیک گونو و یئنی ایلی اؤز هموطن‌لری ایله بیرلیکده قئید ائتمک سئوینجینی یاشایان تدبیر ایشتیراکچی‌لاری موسیقی نؤمره‌لرینی اؤز رقصلری ایله موشاییت ائدیب‌لر.

 آذربایجان ایشچیلری141-213x300

بو یازیدا بیر یوروم یازیلیب

  1. قوتلو اولسون

یوروم یازین

Back to Top