اویان نیوز: چک رئسپوبلیکاسی آوروپا اتفاقینین عضولری آراسین‌دا ارمنیستانی دینج خوجالی ساکینلرینین قتلیامینا گؤره رسما پیسلین و بو حرکتلری اینسانلیغا قارشی جینایت کیمی تانییان ایلک دؤولت اولوب.
vataninfo -این آزرتاج-آ ایستینادن وئردیی خبره گؤره، فئورالین ۷-ده اؤلکه‌نین آلی قانون وئریجیلیک اورقانینین دئپوتاتلار پالاتاسینین بینلخالق علاقه‌لر کومیته‌سی ۲۱ ایل اول «ارمنی حربی بؤلمه‌لری طرفیندن آذربایجانین ایشغال اولونموش خوجالی شهرین‌ده ۶۱۳ مدافعه‌سیز دینج ساکینین وحشیجه‌سینه قتله یتیریلمه‌سی ایله تؤردیلمیش قیرغینا گؤره» ارمنیستانی پیسلین قتنامه‌نی یکدیللیکله قبول ائدیب.
قبول ائدیلمیش سندده قئید اولونور کی، «بو قیرغین حاقین‌دا دونیانین بیر چوخ کوتلوی اینفورماسییا واسطه‌لری معلومات یایمیش و بو حادثه « Human Rights Watch/Helsinski » تشکیلاتی طرفیندن ارمنی حربی قوشونلارینین موناقیشه زونالارین‌دا دینج اهالییه موناسیبتده بینلخالق حقوقون عادی نورمالارینین پوزولماسی کیمی بیان ائدیلیبیر».
سندده خصوصی وورغولانیر کی، «اینسانلیغا قارشی تؤره‌دیله‌ن بو جینایتی بیر چوخ دونیا حکومتلری ده پیسلمیشلر».
قبول ائدیلمیش سندده او دا قئید ائدیلیر کی، «آذربایجان تورپاقلارینین قونشو ارمنیستان طرفیندن ایشغالینا سون قویولماسینا چاغیران ب م ت-نین تpلوکه‌سیزلیک شوراسینین ۸۲۲ (۱۹۹۳)، ۸۵۳ (۱۹۹۳)، ۸۷۴ (۱۹۹۳) و ۸۸۴ (۱۹۹۳) سایلی قتناملری ایندیدک یرینه یئتیریلممیش‌دیر. ب م ت باش مجلیسی، آوروپا پارلامنتی، آوروپا شوراسی و آ ت ت-این پارلامنت آسمبلیاسی اؤز قتنامه‌لرین‌ده آذربایجان رسپوبلیکاسینین داغلیق قاراباغ دا داخیل اولماقلا سوورنلیینی و اراضی بوتؤولویونو دستکلییرلر».
نهایت، یکدیللیکله قبول ائدیلمیش قتنامه‌نین سونونجو پاراقرافین‌دا دییلیر: «چک رسپوبلیکاسی پارلامئنتینین دپوتاتلار پالاتاسینین خاریجی علاقه‌لر کومیته‌سی مدافعه‌سیز دینج اهالییه قارشی تؤردیلمیش اتنیک تمیزلمنی، قیرغین و سویقیری‌می حاللارینی تؤردیلمه واختیندان و یئریندن آسیلی اولمایاراق پیسلییر. بوتون بو جور آکتلاری پیسلین، قبول ائدیلمیش قتنامه‌لرین آردیجیل‌لیقلا یئرینه یئتیریلمه‌سینه چاغیریریق. بو کونتکستده خوجالی‌دا تؤردیلمیش قیرغینی اینسانلیغا قارشی جینایت حساب ائد‌رک، اونو پیسلییر و رد ائدیریک. بونونلا همین فاجعه‌نین ۲۱-جی ایلدؤنومونو آنیر و آذربایجان خالقینا باشساغلیغی وئریریک».
بئله‌لیکله، چک پارلامئنتی آوروپا اتفاقین‌دا ارمنیستانی خوجالی‌دا بشریت علیهینه تؤرتدیی جینایتلره گؤره پیسله‌یه‌ن ایلک قانونوئریجی اورقان اولموشدور. چک بو قتنامه ایله داغلیق قاراباغ رئگیونونو آذربایجان رسپوبلیکاسینین ترکیب حیسه‌سی کیمی، ارمنیستانی ایسه بو ارازینی ایشغال ائتمیش، خوجالی‌دا ان آغیر جینایتین تؤردیلمه‌سین‌ده تقسیرکار اولان دؤولت کیمی تانیدیغینی بیر داها رسما تصدیق ائدیب.
وطن اینفو
بو خبرین چئوبریسی اویان نیوز سیته سی وئریندن اولموشدور و آنجاق قایناق وئررک یایینلانابیلر
