دیل سئچین

چین: قارا، دنیز و هاوا قوجلرینده بیر میلیون‌دان چوخ عسگریمیز وار

اویان نیوز: آغ کیتاب دا دئییلن راپوردا آیریجا چینین حاکیمیت آرخاسیندا اولمادیغی وورغولانا‌راق، دیگر اؤلکه‌لرین داخیلی ایشلرینه قاریشیلمایاجاغی ایفاده ائدیلدی

چین، قارا، دنیز و هاوا قوجلرینده بیر میلیون‌دان چوخ عسگرین وظیفه ائتدیگینی آچیقلایا‌راق، بو ساحه‌ده ایلک دفعه سایی وئردی.

اؤلکه‌نین ساونما سیاستییله باغلی ۱۹۹۸-جی ایلدن بو یانا ۸. دفعه یاییلانان راپوردا، چینین، “قارشی‌لیق‌لی اعتیماد و فایدا، برابرلیک، کووردیناسیون، قاپساملی گوونیک و امکداشلیغا سؤیکنن یئنی بیر گوونلیک کونسپتینی” منیمسه‌دیگی قید ائدیلدی.

آغ کیتاب دا دئییلن راپوردا آیریجا چینین حاکیمیت آرخاسیندا اولمادیغی وورغولانا‌راق، دیگر اؤلکه‌لرین داخیلی ایشلرینه قاریشیلمایاجاغی ایفاده ائدیلدی.

چین خالق قورتولوش اوردوسوندا وظیفه یئرینه یئتیرن عسگرلرین سایسی‌نین ایلک دفعه وئریلدیگی راپوردا، قارا قوّتلریندکی ۸۵۰ مین عسگرین یئددی برلگه‌سل نیظامی دستور مرکزینده، گمیلردکی ۲۳۵ مین عسگرین بئیهای، دونگهای و نانهای دونانمالاریندان‌، هاوا قوّوتلریندکی ۳۹۸ مین عسگرین ده شینیانگ، پکن، لانجوو، جینان ، نانجینگ، گوانگجوو و چینگدوداکی یئددیبؤلگه‌سل امر مرکزینده خیدمت وئردیگی بیلدیریلدی.

راپوردا، اوردونون آغیر سیلاح‌لاردان عبارت اولان “ایکینجی توپچو قوّتی” حاقیندا دا معلومات وئریلدی. بو بیرلیگین، ایستراتژی جایدیریجی‌لیق باخیمیندان “نوکلئر قوّت” اولدوغو وورغولاندی.

توپچو قوّتی‌نین نوکلئر، کووانسیونئل و عملیات دستک واحیدلریندن میدانا گلدیگی ایفاده ائدیله‌رک، قوّتین “دونگ فینگ” بالیستیک موشکلری و “چانگ جیئن” سئیر راکت‌لرینی صاحب اولدوغو قید ائدیلدی.

 ت رت

یوروم یازین

Back to Top