دیل سئچین

ژاپنیا باشباخانی آمریکایا گئتدی

اویان نیوز: ”وظیفه‌ده اولدوغونوز مدتجه، آمریکادا گوج‌لو بیر دوست بولاجاغینیزا امین اولا‌بیلرسینیز” دئین اوباما، آسیا‌داکی سیاستی‌نین “مرکزی نقطه‌سی” اولا‌راق توکیویو گؤستردی

آمریکا پرزیدنتی باراک اوباما و ژاپنیا باشباخانی شینزو آبه، ایکی اؤلکه آراسین‌داکی گوونلیک اتفاقینا وورغو ائدرکن قوزئی کره‌یه قارشی دا دقیق بیر توتوم سرگیله‌یه‌جکلرینی‌ آچیقلادی.

ژاپنیادا اؤتن دسامبر آییندا ائدیلن سئچیم‌لردن بؤیوک بیر ظفرله چیخان لیبرال دموکرات‌لارین لیدئری شینزو آبه، واشینگتونا گئتدی. آبه، سفری چرچیوه‌سینده آمریکا پرزیدنتی اوباما ایله بیر آرایا گلدی. گؤروشمه سونراسی ایکی لیدئر اورتاق بیر مطبوعات کنفرانسی تشکیل ائتدی.

“وظیفه‌ده اولدوغونوز مدتجه، آمریکادا گوج‌لو بیر دوست بولاجاغینیزا امین اولا‌بیلرسینیز” دئین اوباما، آسیا‌داکی سیاستی‌نین “مرکزی نقطه‌سی” اولا‌راق توکیویو گؤستردی. اوباما، ایکی‌لی گؤروشمه زامانی قوزئی کره‌نین نوکلئر دنمه‌لری و آتیلا‌جاق آددیم‌لارین دا گوندمه گلدیگینی ایفاده ائتدی. ژاپنیا باشباخانی شینزو آبه ده کمونیست یؤنتیمین نوکلئر سیناق‌لاری سببیله “اؤدوللندیریلمه‌مه‌سی” گرکدیگی نقطه‌سینده پرزیدنت اوباما ایله عینی فیکیرده اولدوق‌لارینی سؤیله‌دی. بیرلشمیش میللتلرین امنیت شوراسیندا گوج‌لو بیر قرار چیخماسی لازیم اولدوغونا دقت چئکن شینزو آبه، “قوزئی کره‌نین نوکلئر سیناق‌لارینا و موشک آتماسینا گؤز یوماممارییق” دئیه دانیشدی.

آمریکا پرزیدنتی اوباما، مطبوعات کنفرانسیندا چینه باغلی بیر آچیقلاما وئرمه‌دی. آنجاق ژاپنیالی لیدئر شینزو آبه، ایکی اؤلکه آراسین‌داکی اتفاقین “بیر ثابت‌لیک عنصورو” اولدوغونو ایفاده ائده‌رک، “سئنکاکو آداسی مؤوضوسونا سویوق‌قان‌لی‌لیقلا یاناشیریق. بو دوروشوموزو دگیشدیرمه‌یه‌جییک” دئیه دانیشدی. آمریکا پرزیدنتی اوباما، ایکی اؤلکه آراسین‌داکی اقتصادی امکداشلیغین آرتیریلماسی لازیم اولدوغونو سؤیله‌دی. اوباما، “اؤنجه‌لیگیمیز اقتصادی اینکیشافی تامین ائتمک و اینسان‌لارین رفاها چاتما ایمکانینی ساغلاماق” دئدی.

ت ر ت

یوروم یازین

Back to Top