دیل سئچین

کرزای چیخاراجاغی بیر فرمان ایله افقان قوجلری‌نین ناتو‌دان هاوا دستگی ایستمه‌سینی یاساقلایاجاق

اویان نیوز: کرزای، بو گون چیخاراجاغی بیر فرمان ایله افقان گوونلیک قوجلری‌نین، مسکونلاشما بؤلگه‌لرینده ناتو‌دان هاوا دستگی ایستمه‌سینی یاساقلایاجاغینی آچیقلادی

افقانیستاندا ناتو-نون کئچن هفته تشکیل ائتدیگی بومباردماندا سون اولا‌راق ۱۰ وطنداشی اؤلدورمه‌سی اوزرینه، دولت باشقانی حامد کرزای، افقان قوجلری‌نین ان اهمیت‌لی سیلاحلاریندان‌ بیرینی اللریندن آلدی.

کرزای، بو گون چیخاراجاغی بیر فرمان ایله افقان گوونلیک قوجلری‌نین، مسکونلاشما بؤلگه‌لرینده ناتو‌دان هاوا دستگی ایستمه‌سینی یاساقلایاجاغینی آچیقلادی.

ناتو-نون ۱۳ فوریه‌ده افقانیستانین کونار بؤلگه‌سینده طالبانا قارشی تشکیل ائتدیگی هاوا عملیاتیندا، ۴ میلیتانین یانیندا، ۱۰ قادین و اوشاق اؤلموشدو.

افقانیستان دولت باشقانی کرزای، ناتو‌دان هاوا دستگی ایستگی‌نین، یئردکی افقان گوجلریندن گلدیگی معلوماتینا چاتمیشدی.

سون حادثه اوزرینه “بو معلومات دوغرودورسا چوخ اوتانج وئریجی. خاریجیلردن نئجه اؤز ائولریمیزی بومبالاما‌لارینی ایسته‌یه‌بیلریک” دئین کرزای، بوندان بئله افقان بیرلیک‌لری‌نین، مسکونلاشما بؤلگه‌لرینده ناتو‌دان هاوا دستگی طلب ائده بیلمه‌یه‌جک‌لرینی بیلدیریب.

“بو اؤلکه‌نین صاحبی بیزیک” دئین کرزای، دونیایا اؤز اؤلکه‌لرینی قورویا‌بیله‌جک گوجده اولدوق‌لارینی گؤستره‌جک‌لرینی سؤیله‌دی.

افقانیستاندا ناتو-نون تشکیل ائتدیگی هاوا عملیات‌لاریندا حیاتینی ایتیرن وطنداش‌لارین سایسی، هر کئچن ایل بیر اوّلکی ایله گؤره آرتیم گؤستریر. بیرلشمیش میللت‌لرده حاضیرلانان بیر راپورا گؤره، ناتو هاوا سالدیری‌لاریندا اؤلکه‌ده یوزلرله اوشاق حیاتینی ایتیردی.

گله‌جک ایل سونونا قدر بو اؤلکه‌دن آیریلماغی پلانلاشدیران ناتو، افقانیستاندا ایجرا ائدیلن عملیات‌لارین یوزده ۹۰ینی افقان گوجلرینه بوراخمیش وضعیتده ….

بونونلا بیرلیکده، افقان هاوا قوجلری‌نین ۲۰۱۴-جی ایلین سونونا قدر حاضیر اولا بیلمه‌یه‌‌جگینی یازان متخصص‌لر، افقان کندلری‌نین ۲۰۱۴ سونراسیندا بیر هاوا قوروماسیندان محروم قالاجاغینا دقت چکیر.

ت ر ت

یوروم یازین

Back to Top