دیل سئچین

کره یاریم‌آداسینداکی گرگین‌لیک داوام ائدیر

اویان نیوز: گونئی کره باش قرارگاه باشقانی ژنرال ژونگ سئونگ ژونون، قوزئی ایله ایلیشکیلرین گئریلمه‌سی سببیله آمریکا سفرینی ارته‌له‌دیگی بیلدیریلدی

چین، قوزئی کره‌ده‌کی وطنداش‌لارینین یاسال حاق‌لارینی قورویاجاغینی آچیقلادی.

چین خاریجی ایشلر باخانلیغی سؤزچوسو هونگ لی، کره یاریم آداسین‌داکی گرگینلیگین آرتماسی سببیله جدی نگران‌لیق دویدوق‌لارینی آچیقلادی. هونگ، یازی‌لی آچیقلاماسیندا، قوزئی کره‌دن، اولوسلارآراسی حقوق و نورما‌لار چرچیوه‌سینده دیپلومات‌لاری‌نین و ائلچی‌لیک هیاتی‌نین گوونلیگی‌نین تامین ائدیلمه‌سینی ایسته‌دی. هونگ، “چین، قوزئی کره‌دکی وطنداش‌لاری‌نین تهلوکه‌سیزلیگینی و قانونی حاق‌لارینی قورویا‌جاق” ایفاده‌سینی ده ایشلتدی. چین خاریجی ایشلر باخانی وانگ یی، دونن بیرلشمیش میللتلر باش کاتیبی بان کی مون ایله تلفن دانیشما‌سیندا، کره یاریم آداسین‌داکی گرگین‌لییه باغلی، پکنین بؤلگه‌دکی هر هانسی بیر طرفین تحریک ائدیجی سؤزلرینه قارشی اولدوغونو و یانی باشیندا سورون چیخاریلماسینا ایجازه وئرمه‌یه‌جیینی قید ائتمیشدی.

اؤته یاندان، گونئی کره باش قرارگاه باشقانی ژنرال ژونگ سئونگ ژونون، قوزئی ایله ایلیشکیلرین گئریلمه‌سی سببیله آمریکا سفرینی ارته‌له‌دیگی بیلدیریلدی. ژونگ‌ون، آمریکا‌لی قونومداشی ژنرال مارتین دمپسئی ایله گؤروشمک اوزره ۱۶ آوریلده واشینگتونا ائدجیی سفری، قوزئی کره ایله اؤلکه‌سی آراسین‌داکی گرگینلیگین دیرمانماسی سببیله ارته‌‌له‌دیغی ایفاده ائدیلدی. باش قرارگاه باشقانلیغین‌دان وئریلن آچیقلامادا، ژونگ‌ون، قوزئی کره‌نین سالدیری تهدیدلرینی آرتیردیغی بو گون‌لرده اؤلکه‌دن آیریلماماسی‌نین داها فایدا‌لی اولاجاغی دوشونجه‌سی ایله متفیق‌لرین سفری ارته‌له‌مه‌یه قرار وئردیگی ایفاده ائدیلدی.

ت رت

یوروم یازین

Back to Top