دیل سئچین

کلینتون دؤنمی سونا چاتدی

اویان نیوز: کلینتون گؤره‌و مدتی عرضینده پرفورمانسی ایله دقت چئکدی

آمریکا بیرلشمیش دؤولتلرینده هیلاری کلینتون دؤنمی سونا چاتدی.

اسکی خاریجی ایشلر باخانی کلینتون، ایش یولداش‌لاری ایله باخانلیقدا ودا‌علاشدی. قیسا بیر وداع دانیشماسی گرچکلشدیرن کلینتون، آنکارا‌داکی آمریکا ائلچیلیگی بیناسی‌نین اؤنون‌دکی پارتلامایا دا توخوندو. دیش ایشلری باخانی احمد داووداوغلو ایله تلفندا گؤروشدوگونو ایفاده ائدن کلینتون، تورکیه‌نین آمریکایا وئردیگی تعهد و فداکارلیغین اؤزلری اوچون چوخ دگر‌لی اولدوغونو قید ائتدی. کلینتون گؤره‌و مدتی عرضینده پرفورمانسی ایله دقت چئکدی.

۱۵۰.دن چوخ اؤلکه‌نی گزدی؛ دونیا لیدئرلری ایله سایی‌سیز گؤروشمه گرچکلشدیردی. وظیفه‌سی مدتینده، خسته‌لیک و پروبلئم‌لر کلینتونو یالنیز بوراخمادی. گئچن آی گئچیردیگی راحاتسیز‌لیق سببیله بیر مدت خسته‌خانادا معا‌لیجه گؤردو. آمریکا سیاستینی درین‌دن سارسان لیبیده‌کی آمریکا کونسول‌لوغونا سالدیری دا یئنه کلینتون دؤورونده یاشاندی. هیلاری کلینتون، حیاتینی ایتیرن ۴ چالیشان اوچون سناتودا ایفاده وئرمک مجبوریتینده قالدی.

اؤته یاندان آمریکا‌نین یئنی خاریجی ایشلر باخانی جون کری، آند ایچه‌رک وظیفه‌سینه باشلادی. ۶۹ یاشین‌داکی کری، ۲۸ ایلدیر سناتورلوق ائدیردی و عینی زاماندا آمریکا سناتوسونون خاریجی ایلیشکی‌لر کمیته‌سی‌نین باشقانلیغینی یئریدیردی.

 قایناق : ت ر ت

یوروم یازین

Back to Top