دیل سئچین

گؤک‌تورک۲ گؤره‌وینه دوام ائدیر

اویان نیوز: اوزای‌داکی وظیفه‌سی بویونجا آنکارا‌داکی یئر ایستاسیونونا موفقیتله گؤرونتو کؤچورن گؤکتورک-۲، ۷۰ گون ایچری‌سینده دونیا اطرافیندا مین اینجی گئچیشینی تاماملادی

تورکیه‌نین یوکسک کیفیت‌لی یئرلی کشف پئیکی اولا‌راق ۱۸ دسامبردا اوزایا آتیلان گؤکتورک-۲، اوزایداکی ۷۰ گونلوک وظیفه‌سی بویونجا دونیا اطرافیندا مین دفعه دولاندی.

اوزای‌داکی وظیفه‌سی بویونجا آنکارا‌داکی یئر ایستاسیونونا موفقیتله گؤرونتو کؤچورن گؤکتورک-۲، ۷۰ گون ایچری‌سینده دونیا اطرافیندا مین اینجی گئچیشینی تاماملادی. بو مدتده یئر ایستاسیونلاریندان‌ ۷۶۶ دفعه پئیک ایله ایله‌دیشیم قورولدو. دونیانین دؤرد بیر طرفین‌دن آلینان تست گؤرونتو‌لری اوزمان قروپ طرفین‌دن دگرلندیریلدی. پئیکین دونیا اطرافین‌داکی هر بیر دؤورو، تامین ائتدیگی گؤرونتولمه و خبرلشمه ایمکان‌لاری باخیمین‌دان تعقیب ائدیلدی.

هله ده پئیکین هاوا قوه‌لری قوموتان‌لیغینا وئریلمه‌سی اوچون ایشلر داوام ائدیر. آخلاطلی‌بئل‌ده‌کی یئر ایستاسیونون‌دان ایداره ائدیلن پئیک ایله ایلگیلی توبیتاک اوزای تکنولوژیلری آراشدیرما اینستیتوسو امکداش‌لاری هاوا قوه‌لری قوموتان‌لیغی پرسنلینه دستک اولور.

توبیتاک اوزای و توساش ایش اورتاق‌لیغی طرفین‌دن یوکسک یئرلی‌لیک نیسبتیله اوره‌دیلن و ۲،۵ متر چؤزونورلویه صاحب گؤکتورک-۲، ۱۸ دسامبردا چین خالق جمهوریتی‌نین گانسو ایالتینده‌کی ژیوقوان اوزای مرکزین‌دن اوزایا آتیلمیشدی. آتیلدیقدان ۱۲ دقیقه سونرا ۶۸۶ کیلومتر یوکسک‌دکی یؤرونگه‌سینه اوتوران میللی اویدو‌دان تورکیه‌دن ایلک گؤرونتو‌لر آنتالیا‌دان، دونیا‌دان ایلک گؤرونتو‌لر ایسه یئنی زلاندین آئوکلند شهرین‌دن آلینمیشدی.

ت رت

یوروم یازین

Back to Top