دیل سئچین

گنجعلی صباحی آدینا قورولان ایللیک اؤیکو اؤدولو

sabahiodulu

اویان نیوز: “گنجعلی صباحی” آدینا قورولان ایللیک اؤیکو اؤدولو آچیقلانیب، قوشوللاری بللی اولدو.

اویان نیوزون یورد سیته سیندن آلدیغی معلوماتا گؤره، “صباحی” ایللیک تورکجه اؤیکو اؤدولونون ایلک ایلی ( ۱۳۹۲ ) اثرلری ییغماغا باشلادی. بوتون اؤیکو یازانلار شهریور آیینین سونونادک بیر اؤیکونو بو یاریشمایا قاتیلماق اوچون سئچیب، یاریشمانین ایمیل آدرسینه (sabahi.odulu@gmail.com) گؤندره بیلرلر. اثرلر آذربایجان تورکجه‌سینده و عرب الیفباسیندا یازیلمالی دیر و اثرلرین ایندی‌یه‌دک باشقا یئرده (کیتاب، درگی، سایت) چاپ اولونماماسی گرکلی دیر.

یاریشمانین سونوجو آذر آیینین ایلک گونونده بللی اولاجاق. بو ادبی یاریشمانین اؤدولو بیر میلیون تومن و ایلک اولان اؤیکونون یازارینا وئریله جک. باشقا ایلک ۹ اؤیکو هدیه لره لاییق گؤرونوب، بیرلیکده بیر کیتابدا یاییلاجاقلار.

“صباحی” اؤیکو اؤدولو یاریشماسی نین وئبلاگینین ویردیگی آچیقلامایا گؤره، داورلیق هیئتی (ژوری) نیگار خیاو، مرتضی مجدفر، محمود مهدوی، رقیه کبیری، علی محمد بیانی و حامد احمدی –دیرلر.

یوروم یازین

Back to Top