اویان نیوز: گولمه‌نین اینسانلارین بدنینده اولدوقجا یاخشی ائتگی‌لری وار.
کورتیزول و آدرنالین-ه اوخشار استرس یارادان هورمونلار آزالیر، دپرس اولماق احتیمالینی آزالدان بتا اندورفین و بدنیمیزی اینفئکسییالاردان{عفونت} قورویان گَلیشیم هورمونلاری{تکامل یافته} ایسه آرتیر.
حتی بوتون بونلار یالنیز گولدویوموز آن‌دا یاشانمیر، گوله بیله‌جه‌ییمیز بیر یئره گئتمک اوچون یولا چیخدیغیمیز آن‌دا دا باشلاییر. اینسان بئینی، یاپای{مصنوعی} بیر گولوشله ده بو ائتگی‌لری یارادا بیلیر.
بدنیمیزده گَرچکلشدیردییمیز اَن کیچیک بیر چالیشما دا، کالری یاندیرماغیمیزا ندن اولور.
هئچ ترپنمه‌دن تلویزیون ایزله‌سک و حتی یاتدیغیمیز حالدا دا، اورک چیرپینما‌سی‌نی داوام ائتدیرمک اوچون کالری یاندیریریق.
اؤرنک اوچون ۶۸ کیلوگرم آغیرلیغی اولان بیر اینسان، یالنیز کیتاب اوخویاراق ۱۵ دقیقه‌ده ۲۲ کالری انرژی یاندیریر.
گولمک، اورک چیرپینماق ریتمینی یئیین‌لشدیردییی{سرعت‌لندیردییی} اوچون داها چوخ کالری یاندیرماغیمیزی ساغلاییر.
۱۵ دقیقه گوله‌رک، اورتالاما ۳۰ کالری یاندیرا بیلیریک.
اگر هر گون دوزنلی اولاراق گولمه‌یه داوام ائتسک، یاندیردیغیمیز کالری‌ده ده آرتیم گؤرونه‌جک.
بئله‌لیکله هئچ ایش گؤرمه‌دن، یالنیز گوله‌رک ایلده ۲ کیلوگرم چَکیمیزی آزالدا بیله‌ریک.
قایناق : بیلیم سسی
