دیل سئچین

گونئي آذربايجان ميللي حركتينه باغلي بير نئچه سؤز

اویان نیوز : نئچه ایللردیر کی میللتیمیز وطن و توپراق یولوندا،آزادلیق یولوندا چالیشیب و ساواشیب لار.
او زامانلاردا کی بؤیوک و داهی اینسانلاریمیز و ایگیت لریمیز آزادلیغی میز ایچین ساواشیب و سوندا قانلارینا بئله نیبلر ( اؤرنک اولاراق؛مشروطیت دؤنه مینده ستارخان، خیابانی حرکاتیندا،میللی حوکومتیمیز کی بؤیوک سیدجعفر پیشه وری رهبرلیگی آلتیندا قورولدوقدان سونرا ) آلچاق فارس شوونیسم لری میللتیمیزی سوی قیریم ائدیب لر.
وطن سئوگی سی بؤیوک بیر وارلیق دیر کی ذاتن بیز تورک میللتینده جوشوب یاشانیب و یاشاماقدادیر، و ایلک زامانلاردان یابانجی لار ألیندن قورونوب و ساخلانیب دیر.
آمما یوز ایله یاخین دیر کی گؤزل یوردوموز فاشیست ایران و فارس شوونیزم أللریله دیدیلیب و هر زامان بیز گونئی آذربایجان تورک له رینی تحقیر ائتمک له روحوموزو و دیلیمیزی ئولدورمگه چالیشیرلار.
بیزیم حاق سسیمیزین و ایسته گیمیزین قارشیسیندا قورشونلارلا و دوستاق خانالارلا جواب وئریب لر.
بیزیم دیلیمیزین اؤیره نیلمه سینه مانع اولاراق اینسانلیق حاقلارینی تاپتالاییب و آیاق آلتیندا قویموشلار، آمما بو زامان آرتیق جانیمیز بوغازا ییغیلمیش دیر، بیز داها چوخ میللت سئورلریمیز آرتمیش اؤز حاقلاریمیزی ایستمکده دیلر، گونو گوندن میللی حرکتیمیز بؤیومکده دیر و بو یاخین زاماندا بؤیوک آماجیمیز یانی باغیمسیزلیقا و اؤزگورلوگه چاتاجاغیز.
تانریدا هر زامان بیز تورکلرله دیر چونکی بیزیم وارلیغیمیز و حاقلی اولدوغوموز اونا عیان و بیان و آیدین دیر.

آ. م.

یوروم یازین

Back to Top