دیل سئچین

گونئي آذربايجان ميللي حرکاتينين آنا آخيشي

اویان نیوز: بو اینسانلارین ” بیز” تانیملارینداکی بیرلیکده‌لیکلری اونلاردان موستقیل اولان و اونلارا یؤن وئرن کولکتیف ویجدانی/شعوورو یارادیر. کولکتیف ویجدان میللی حرکاتین آنا آخیشینی تعیین ائدیر. گونئی آذربایجان میللی حرکاتینین آنا آخیشی ایسه عومومی عاغیل، اورتاق ایراد، خوشونتدن اوزاق دورماق، دموکراتیک پرئنسیپلره اویماق، رادیکالیزمدن چکینمک، دونیایلا بوتونلشمک/ئنتگراسیون و میللی-عومومی منفتلردن تویز ورمه‌مک کیمی ایلکه‌لر/پرنسیپلر اساسیندا فورمالاشیر.

 

گونئی آذربایجان میللی حرکاتی ائله مورککب مدنی، سیاسی و سوسیال ترکیب/کوپزیسیونا صاحیبدیر کی،اونون اصیل ماهییتینی و اؤزللیکلرینی تانیماق و تانیملاماق چتیندیر.

میللی حرکاتا اوزاقدان بیر موشاهیده‌چی کیمین باخدیغینیزدا؛ داغینیق، تشکیلاتسیز، ائلیتادان محروم، ایچ ایختیلافلارین درین اولدوغو، مئدیادا ضییف اولدوغو(گازت، تلوزیون، ژورنال، تی وی)، رهبرییتی اولمایان و حرکات ایچینده اؤز باشینالیغین حاکیم اولدوغونو دوشونه بیلرسینیز. بو موشاهیدنیزدن یولا چیخاراق میللی حرکاتین اولمادیغینی یا دا گوجسوز و سیاسی صفربرلیگینین ضعیف اولدوغو ایدیعاسیندا اولابیلیرسینیز. آنجاق گؤرونتولر هر زامان دوغرولاری گؤسترمه‌یه بیلر. اوزاقدان گؤردوکلرینیز سیزی یانلیشلیغا سوک ائدبیلر. میللی حرکاتین گرچگینی و اؤزلوگونو اؤیرنمک اوچون اؤنجه‌لیکله گؤردویونوزچوروک گؤرونوشلوقابیغی سؤکوب آتاجاقسینیز. امین اولون کی، او زامانسیزی آلداتان و چوروک گؤرونوشلو قابیغین آلتینداکی عاغلی و تجروبه‌نی گؤرونجه شاشیراجاقسینیز. بیر داها اؤزونوزه اعتیراف ائده‌جکسینیز کی،حقیقت سیزین گؤرمه‌دیکلرینیز و بیلمه‌دیکلرینیزده گیزلیدیر. سیزین باخیشینیزی چوروک قابیق فورمالاشدیریرمیش. اصلینده اینسانین دونیا گؤروشونو بیلگیسی دئییل ده جهالتی شکیللندیریدیگی حقیقتینی اونوتماماق دا گه‌رکیر.

میللی حرکاتین عومومی-میللی تشکیلاتلاری اولماسا دا،میللی حرکاتیمیزا خودجوش/ اؤزلوگوندن هارمونی حاکیمدیر. عومومی صفربرلیک احتییاجی حیسئدیلدیگینده میللی حرکاتین توپیکون ایراده‌سی عئینی نوقته‌ده بیرلشیر. بابک قالاسی هیماسه‌سینده، ۲۰۰۶ مای حادیثه لریند، یاشیل حرکاتینا قارشی اورتاق مؤوگی سرگیلنمه‌سینده و تراختور کیمین افسانه‌نین یارادیلماسیندا اورتاق ایرادنین اوراتیا چیخماسی بو اولقونون گؤسترجیسیدیر. میللی حرکاتیمیزدا رهبرییت پروبله‌می اولسا دا،میللی حرکاتیمیزا باشی بوشلوق، آیلاقلیق و سرسریلیک حاکیم دئییل. تام ترسینه راسیونالیت/قلانییت و منطیق حاکیمدیر. ۱۹۹۷-ده موهممد خاته‌می حاکیمییته گلدیگینیده میللی حرکاتیمیز او دؤنمدن ان یاخشی شکیلده فایدالاندی. او دؤنمه حاکیم اولان رئفورم گوفتئمانینی/سؤیلمینی اؤز میللی گوفتئمانی ایستیقامتینده دؤنوشتوردو(یستیهال). نیسبی اولاراق آچیلان سیاسی فضادان نهایت ایستیفادنیئتمگی باجاردی. ایراندا رئفورم حرکاتینین نتیجه وئرمیه‌جگینی و ایران ایسلام جومهورییتی رئفورم ائدیلبیلیر دؤولت اولمادیغنیی ایلک آنلایان، اونو دیله گتیرن و اوندان کسگین ختلرله اوزاقلاشان یئنه میللی حرکاتیمیز اولدو. میللی حرکاتیمیز رفعورمجولاردان ائله قوپتو کی،ونلارین لیدرلیگینده‌کیهر تور سیاسی حرکاتدان اوزاق دورور. نئجه کی،۱۹۹۹ اویرنجی هادیسلرینه نیسبی اولاراق قاتیشان تبریز، یاشیل حرکاتی اورتایا چیخدیغی ۲۰۰۹-دان گونوموزه سسینی چیخارتمادی. میللی حرکاتیمیز رئفورمجولارین ایسلامی دئموکراسی ملغمه‌سینین آلتیندا گیزلتدیکلری فارس میللییتچیلیکلرینیگؤرونجه دیسکیندی. گؤرونوشه آلدانمادی و اونون آرخاسیندا گیزلنن یانلیشلیغی گؤردو. گؤزل، بعضاًمیش و هر تور آکسئسوارا (تزییانت) بورونموش گلینین ” یالانچی گلین” اولدوغونو آنلادی.

بونلارین هامیسینی سنین او تشکیلاتیسیز، داغینیق، لیدئرسیز و صفربرلیک گوجونونولمادیغینیایدیعا ائتتیگین حرکات گرچکلشتیردی. بورادا سنین گؤرمه‌دیگین و یا گؤرمک ایستمه‌دیگین گیزلی بیر ایراده و عاغیل یوخمو؟بونلارین اؤز-اؤزونه گرچکلشمه‌سی سنین اوچون هئچ بیر آنالام ایفاده ائتمیرمی؟میللی حرکاتیمیزین گؤزللیگی اونون درینلیگی و شارشیرتیجی اؤزللیکلریولماسیندادیر.

گونئی آذربایجان میللی حرکاتی ایچینده کولکتیف/ومومی ویجدان/شوور یارانیب. بو ویجدان فردلرین اوستونده و اونلاری یؤنلندیرن گوجه چئوریلیب. عومومی ویجدان سؤزو سنه سویوت/موجررد گلبیلر. بونلار سنئمیل دورکهایمی خاطیرلادا بیلر و بلکه دسه‌نین پوستمودئرن سیاسی لیتئراتورونه ترسگؤرونبیلر. آنجاق بیر-بیرییله تشکیلاتی علاقه سی اولمایان میلیونلارجا اینسانین عئینی دویقو، دوشونجه و ایرادنی پایلاشماسی سادجه تصادوفاثری اولابیلمز بیر-بیرییله اوز-اوزه و یا تشیکیلاتی علاقه سی اولمایان و حتّی بیر چوخ یئرده شخصی علاقه لرین بئله قوپوق اولدوغو حاللاردا یئنه ده اورتاق دویقو، دوشونجه و ایرادنین پایلاشیلماسی آنلاملیدیر. دئمک کی، بوتون بو اینسانلاری بیر-بیرینه باغلایان بیر “بیز “واردیر. اونلار او “بیزده” بیر-بیرلرینی تاپیر و بیرلشیر. “بیز” اولگوسو اصلینده فارسلیقدان و ایرانلیلیقدان اؤزونو آییران آذربایجان-تورک کیملیگینین درونیلشمه‌سی دئمکدیر. “بیز” مفهومو اطرافینداطلبلر، آرزولار،فورصتلر، قورخولار و تهلیکه آلگیلاریبه‌لیرگینلشمیش و اؤزونو آچیق شکیلده ایفاده اتمه‌سهد،ؤز نیهایی چرچوه‌سینی تاپمیشدیر.

بو اینسانلارین ” بیز” تانیملارینداکی بیرلیکده‌لیکلری اونلاردان موستقیل اولان و اونلارا یؤن وئرن کولکتیف ویجدانی/شعوورو یارادیر. کولکتیف ویجدان میللی حرکاتین آنا آخیشینی تعیین ائدیر. گونئی آذربایجان میللی حرکاتینین آنا آخیشی ایسه عومومی عاغیل، اورتاق ایراد، خوشونتدن اوزاق دورماق، دموکراتیک پرئنسیپلره اویماق، رادیکالیزمدن چکینمک، دونیایلا بوتونلشمک/ئنتگراسیون و میللی-عومومی منفتلردن تویز ورمه‌مک کیمی ایلکه‌لر/پرنسیپلر اساسیندا فورمالاشیر.

گونئی آذربایجان میللی حرکاتینین آنا آخیشینی اؤیرندیگین زامان اوزاقدان داغینیق، تشکیلاتسیز، رهبرییتسیز و باشی بوش گؤرسنن حرکات گؤزونده چوخ دییشه‌جکدیر. اوندا گؤره‌جکسن کی،گونئی آذربایجان میللی حرکاتی `باابام دئدی، وور دئدی- هر گلنه وور دئد` منطیقسیزلییله حرکت ائتمیر. امین اول کی،میللی حرکاتین آنا آخیشینی آنلادیغن زامان گؤرکجکسن کی، میللی حرکاتیمیز هارا گئتتیگینی، نئجه گئتیگینی، نییه گئتیییینی، کیمینله گئتیییینی چوخ یاخشی بیلیر.

 

عاریف کسکین

یوروم یازین

Back to Top