دیل سئچین

گونشدن اود یاغیشی گؤرونتولندی

اویان نیوز: آمریکان میللی هاواچی‌لیق و اوزای دایره‌سی (ناسا)، گونشده میدانا گلن بؤیوک بیر پاتلامانین آردین‌دان اولوشان اوددان‌ یاغیشین بـﯚیوله‌ییجی گؤرونتو‌لرینی الده ائتدی.

ناسا طرفین‌دن ۲۰۱۰-جو ایلده اوزایا گؤندریلن گونش دینامیکلری گؤزلم‌ائوی اوزای واسطه‌سی‌نین ۱۹ جولای ۲۰۱۲.جی ایلده قید ائتدیگی گؤرونتو‌لر ایلک دفعه یاییملاندی. اولدوزون گونوموزدکی ان اینکیشاف ائتمیش یوکسک چؤزونولو تلویزیون‌لاردان ۱۰ قات داها دقیق گؤرونتو‌لرینی الده ائده بیلن گونش دینامیکلری گؤزلم‌ائوی، میلیون‌لارجا درجه ایستی‌لیک‌دکی پلازما آتموسفری (کورونا)دا گرچکلشن بیر پاتلامایی تثبیت ائتدی.

کورونال (تاج‌کوره) کوتله آتیمی آدی وئریلن پاتلامانین آردین‌دان گونش‌دن اوزایا دوغرو رادیاسیون و ایشیق بوشالیمی گرچکلشدی. داها سونرا ایسه سانکی اود‌دان بیر یاغیشا بنزه‌ین و “کورونال یاغیش” فئنومنی اولا‌راق بیلینن گؤز قاماشدیریجی مانیتیک گؤروتو‌لر اورتایا چیخدی. گونشین اﯚزئیینده/سطحینده دونیا‌دان ان آز ۳۰ قات بؤیوک بیر ساحه‌نی اؤرتن کورونال یاغیش، آیدین و کسکین بیر شکیلده گونش دینامیکلری گؤزلم‌ائوی کامئراسینا یانسیدی.

گونش دینامیکلری گؤزلم‌ائوینین الده ائتدیگی معلومات‌لار ایشیغیندا بیلیم اینسان‌لاری گونشین حرکت‌لرینی و دونیایا اولان تأثیرلرینی داها یاخشی آنلامایا چالیشیر. ۲۰۱۰ فوریه آییندا اوزایا آتیلان گونش دینامیکلری گؤزلم‌ائوی اوزای واسطه‌سی‌نین ۵ ایل بویونجا ناسانین گونش آراشدیرما‌لاریندا ایستیفاده ائدیلمه‌سی پلانلاشدیریلیر.

ت ر ت

یوروم یازین

Back to Top