دیل سئچین

«گونی آذربایجانی ایران دییل» شوعاری قالماقال یارادیب

اویان نیوز: فورالین ۲۶-دا تبریزین تراکتورسازی و ابو-ظبینین ال-جزیره کومان‌دالاری آراسین‌داکی فوتبول ماتچی زامانی آذربایجان‌لی آزارکئشلرین اوزرین‌ده اینگیلیس دیلین‌ده «گونی آذربایجانی ایران دییل» سؤزلری یازیلمیش بؤیوک پلاکات موناقیشه‌یه سبب اولوب.

اینقیلاب کشیکچیلری (سپاه) و ایرانین آلی روحانی رهبری خامنه ای یه یاخین اورقان کیمی تانینان جاوان قزتینین اینترنت صحیفه‌سی پلاکاتین شکلینی یایاراق، «شرقی آذربایجان ویلایتی و تراکتورسازی کلوبو سپاراتچیلیغین قارشیسی آلینماسا، بوندان سونراکی اویونلار تبریزده دییل، باشقا شهرلرده اولمالی‌دیر»- دیه تبریز کلوبونا خبردارلیق وریب.

پلاکاتین شکیللری و ویدئوسو فایسبووک کیمی اجتماعی شبکه‌لر و یووتوبئ-دا گئنیش شکیل‌ده یاییلیب و ایستیفاده‌چیلر آراسین‌دا قیزغین موذاکیره‌لر یارادیب.

۲۶ فورال ماتچین‌دا سس‌لنه‌ن میللی شوعارلار و پلاکات اربدیل‌لی مدیانین دا گون‌ده‌مینه چیخیب. فیلیسطین اراضیلرین‌ده یاییلان ان یوکسک تیراژلی ال-قودس قزئتی ده پلاکاتین شکیلینی یاییب. قزت «آذربایجان‌لی آزارکشلر کوتلوی شکیلده شوعارلار سسله‌ن‌دیر‌رک، تورک دیلین‌ده تحصیل حاقینی طلب ادیب و آذربایجان رسپوبلیکاسی تورپاقلارینی ایشغال اد‌ن ارمنیستان دؤولتینی دستکلدیی اوچون ایران حکومتینه اعتراضلارینی بیلدیریبلر»- دئیه یازیب.

گل (www.goal.com) وب صحیفه‌سینه ایستینادن، تراختورون ۳-۱ حسابی ایله قلبه چالدیغی مات‌چی ۸۰ مین نفردن چوخ اینسان ایزله‌ییب.

ال-جزیره کلوبونون ایسپانییادان اولان باش مشقچیسی لویس میللا «بئله بیر دستک منی شوک ائدیب. تاماشاچیلار گرچکدن ده تراکتورسازینین ۱۲-جی اویون‌چوسودورلار. «طرفدارلارین ایستادیون‌دا بو قدر یوکسک ایشتیراکی ایسپانییاداکی کیمی‌دیر. آنجاق ایسپان آزارکئشلر بئله جوشقون و هیجانلی اولمورلار»- دئیه تیراختورون قلبه‌سین‌ده تاماشاچیلارین رولونو یوکسک قیمتلندیریب.

ایللردیر کی، تراختور ایران آذربایجانین‌دا تکجه ایدمانسئورلرین دییل، میللی فعاللارین دا دقت مرکزین‌ده‌دیر. آذربایجان شهرلرین‌ده باش قالدیران اعتراض آکسییالارین‌دا ایران ایسلام رئسپوبلیکاسینین گوج تطبیقی و کوتلوی حبسلرله اوزلشن میللی فعاللار سون ایللر فوتبول ایستادیوملارینی موباریزه میدانینا چئویریب.​

 ویدئویو ایزلمک ایچیین

 

آمریکا سسی

یوروم یازین

Back to Top