دیل سئچین

یئنی کیتاب: “سئوگی يولچولاری”

اویان نیوز: اورمو کؤکن‌لی حسین واحدی‌نین ایلک کیتابی اولان “سئوگی یولچولاری” ایشیق اوزو گؤردو. کیتاب ۱۷ قیسا حیکایه‌دن عیبارت‌دیر. سون حیکایه دئمک اولار اوبیریلردن اوزون اولاراق، کیتابین آدیدا اوندان آلینیب‌دیر.

حیکایه‌لرین چوخو مختلف زامان‌لار آذربایجان دیاریندا چیخان نشریه‌لرین نئچه‌سینده یاییلیب‌دیر. آنجاق سونونجو حیکایه هئچ یئرده یاییلماییب، کیتاب شکیلینده اوزه چیخیب‌دیر.

سئوگی یولچولاری‌ندا، سؤز درین سئوگی‌دن گئدیر. بو سئوگی ماجراسی اورمیه شهرینده باش وئریب، آنجاق گئرچک بیر ماجرا اولماسادا، بو حیکایه‌ده آذربایجانیمیزین بیر چوخ عادت-عنعنه‌لری قورونوب ساخلانیلیب‌دیر. بونون یانیندا، اورمو شهرینده اولان، بعضی تورکجه آدلاری داشییان مکانلاریندا، آدلارینی قوروماق اوچون، گتیریلیب‌دیر.

قالان ۱۶ آلتی حیکایه‌لر ایسه چئشیدلی موضوع‌لاردا یازیلیب‌دیر. بونلارین ایچینده ایلک حیکایه “چوخ بیلیمش قولو” آدیندا، ۹۱-جی ایلین یازیندا، دؤردونجو “نسلی از آفتاب” فئستیوالی‌نین، طنز داستان بؤلومونده، بیرینجی سئچیلیب‌دیر. نسلی از آفتاب فئستیوالی دؤرد ایلدیر، شمال-غرب بؤلگه‌سینده  ۶ بؤلکه (استان) آراسیندا، توتولور.

نثریمیزه یئنی پای اولان بو کیتابی، yurd.ir  سایتیندان، مؤلفین اؤز وبلاگیندان، اورمونون آدلیم کیتاب ساتارلاریندان و بو یاخینلاردا باشقا آذربایجان دیارینین شهرلریندن الده ائتمک مومکوندور.

 

آزربایجان ایشچیلری

یوروم یازین

Back to Top