دیل سئچین

یاخشی‌لیق ائتمک اوره‌یه یاخشی گلیر

اویان نیوز: کانادادا ائدیلن آراشدیرما، یاخشی‌لیق ائتمه‌نین اوره‌یه یاخشی گلدیگینی اورتایا قویدو

بریتیش کلمبیا اونیورسیته‌سی طرفین‌دن ائدیلن آراشدیرمادا، خیر ایشلرینده اولماغین، گنج‌لرین اوریینه و بدن ساغلیغینا یاخشی گلدیگی اورتایا چیخدی. آراشدیرمایا ایمضا آتان‌لاردان هاننا شئریئر، فداکارلیق و امپاتی قورما‌نین اورک و بدن ساغلیغی اوچون اولوملو تأثیرلره صاحب اولدوغونو ایفاده ائتدی. آراشدیرما، عینی زاماندا، استرس، دپرسیون، دینج‌لیک کیمی پسیکوسوسیال فاکتورلارین کاردیوواسکولر خسته‌لیک‌لری آلولاندیردیغی و آمریکاداکی اؤلوم نیسبت‌لرینده، بو فاکتورلارین جدی رول اوینادیغینی اورتایا قویدو. آراشدیرما وانکووورده ۱۰۶ سون اوخول اؤیرنجیلری اوزرینده ائدیلدی.

قان باسینجی، بدن کوتله ایندکسی و اورک ریتم‌لری اؤلچولن اؤیرنجیلردن ۵۳و، هفته‌ده ۱ ساعت، اؤز یاشادیق‌لاری بؤلگه‌دکی الیک اوخول اؤیرنجیلرینه معین مؤوضولاردا قارشیلیق گؤزلمه‌دن کؤمک ائتدی.

باشقا ۵۳ اؤیرنجی ایسه کؤنول‌لو هر هانسی بیر پروقرامدا یئر آلمادی.

۱۰ ‌هفته نتیجه‌سینده ائدیلن آراشدیرما‌لاردا، ایلک قروپ‌داکی ۵۳ اؤیرنجی‌نین، اورک ریتیملری‌نین داها دوزنلی، کلسترول و بدن یاغ سویه‌سی‌نین داها آشاغی اولدوغو گؤزلندی. آراشدیرما کانادادا، آمریکا مدیکال آسوسیشین درگیسینده یاییملاندی.

ت ر ت

یوروم یازین

Back to Top