دیل سئچین

یوزلرله آذربایجانلی طلبه ایران مدیاسینا آچیق مکتوب یازیب

اویان نیوز : اؤلکه‌ده محرومیتله اوزلشن دیللردن بیری آذربایجان تورکجه‌سی‌دیر

ایران‌دا ۲۱ فئورال بئینلخالق آنا دیلی گونو موناسیبتیله ۶۰۰ نفره یاخین آذربایجان‌لی فعال اؤلکه‌نین بیر سیرا قزئت-ژورناللارینا آچیق مکتوب یازیب.

«مئدیا فوروم» سایتینین معلوماتینا گؤره، «شرق»، «اعتماد»، «باهار» و «آرمان» قزئتلرینین، «نسیم بیداری»، «آسمان»، «مهرنامه» و «اندیشیه پویا» ژورناللارینین باش رئداکتورلارینا اونوان‌لانان آچیق مکتوبدا دئییلیر:

«۱۴ ایل اول یونئسکو تشکیلاتی الله ین اینسانلارا بخش ائتدیی آنا دیلینین اهمیتینی نظره آلاراق فئورالین ۲۱-نی بئینلخالق آنا دیلی گونو اعلان ائتدی. سیز ژورنالیستلر یاخشی بیلیرسینیز کی، بیزیم اؤلکه‌ده زنگین مدهنی و تاریخی اولان موختلیف دیللر مؤوجوددور. میلیونلارلا اینسان بو دیللرده دانیشیر، فیکیرلشیر، اؤز حیسسیاتلارینی ایفاده ائدیرلر.

بشریتین مدنی خزینه‌سینین بیر حیسه‌سینی تشکیل ائد‌ن همین دیللرده دانیشان اینسانلارا قارشی اؤلکه‌ده قویولان محدودیتلر و قاداغالار سون‌سوزدور و سیز بوتون بونلاردان خبردارسینیز. سیز مئدیا منسوبلاری خالقین و اوخوجولارینیزین سسیسینیز. دئموکراتییانین اساس شرطلریندن بیری ده سیزین خالق دیلین‌ده دانیشمانیزدیر. اؤلکه‌ده محرومیتله اوزلشن دیللردن بیری آذربایجان تورکجه‌سی‌دیر. میلیونلارلا اینسان بو دیل‌ده دانیشیر، دوشونور، بوتون محدودیت و محرومیتلره باخمایاراق بو دیل‌ده یازیب یارادیر، شئیر سؤیلییرلر.

بو مد‌نی و سیاسی قاداغانی آرادان گؤتورمک اوچون اؤلکه‌نین رسمی دایره‌لری گوج‌لو ایراده گؤسترمدیینه گؤره اوزوموزو سیویل جمعیتین ان فعال تمثیلچیلری اولان سیزه توتوب طلبیمیزی ایر‌لی سوروروک. اؤز صحیفه‌لرینیزده ایسلام دونیاسینین ایکینجی دیلی اولان تورکدیللی آذربایجانلیلارین آنا دیلینه یئر آییرین. صحیفه‌لرینیزین بیر حیسه‌سینی، ان آزی بیر صحیفه‌سینی میلیونلارلا هموط‌نینیزین دیلین‌ده‌کی ماتئریاللارا حصر ائدیب بو دیل‌ده یازیلار درج ائدین. سیز یالنیز بو یوللا اون ایللردیر ایران‌دا آذربایجان‌لیلارین دیلینه و مدنیتینه گؤستریله‌ن تضییقه، آیری-سئچکی‌لییه و عدالت‌سیزلییه سون قویا، عدالته و اینسانی دیرلره قاییتماغا یاردیم گؤستره بیلرسینیز».

آمریکا سسی

یوروم یازین

Back to Top