دیل سئچین

۲۰۱۲، فلاکت‌لر ایلی اولا‌راق تاریخه کئچدی

اویان نیوز: حدیندن آرتیق ایستی، شدت‌لی سویوق، قوراق‌لیق … فیرتینا‌لار، سونو گلمه‌ین یاغیش‌لار، سئل

حدیندن آرتیق ایستی، شدت‌لی سویوق، قوراق‌لیق … فیرتینا‌لار، سونو گلمه‌ین یاغیش‌لار، سئل …

گئریده بوراخدیغیمیز ۲۰۱۲، فلاکت‌لر ایلی اولا‌راق تاریخه کئچدی.

طبیعی فلاکت‌لرین خرجی ده ۱۶۰ میلیارد دولارا یئتیشدی.

۲۰۱۲-جی ایلده دونیا، بیر چوخ طبیعی فلاکت یاشادی …

شدت‌لی یاغیش‌لار، سئل و تورپاق سوروشمه‌لرینی اؤزو ایله گتیردی.

دونیانین فرق‌لی شهرلری، کوچه‌لر، یاشاییش یئرلری سو ایه باسدیریلدی …

شدت‌لی کولک‌لر، فیرتینا و قاسیرغا‌لار، اورتا‌لیغی دارماداغین ائتدی.

زلزه‌له‌لر داش اوستونده داش بوراخمادی.

یوزلرله ایلدیر یاتان وولکان‌لار اویانیب کوکره‌دی …

فلاکت بؤلگه‌لرینده حیات فلج اولدو.

اینسان‌لار طبیعت قارشی‌سین‌داکی آجیزلیگی‌نین بیر دفعه داها فرقینه واردی.

۲۰۱۲-جی ایلده یاشانان طبیعی فلاکت‌لر جان ایتکین‌لری‌نین یاناشی مادی ضررلره ده گتیریب چیخاردی.

مونیخ مرکزلی سیغورتا قروپو “مونیخ ره” نین معلومات‌لارینا گؤره ۲۰۱۲-جی ایلده طبیعی فلاکت‌لرین وئردیگی مادی ضرر ۱۶۰ میلیارد دولار اولدو.

بو ایتکی‌لرین یوزده ۶۷سی آمریکا بیرلشیک دولتلرینده باش وئرن فلاکت‌لردن قایناقلاندی.

بون‌لار آراسیندا دا ان ضررلیسی سندی قاسیرغاسی اولدو.

یالنیز سندیین یول آچدیغی ضررلرین مادی اؤلچوسو ۲۵ میلیارد دو‌لاراولدو.

بمت-نین معلومات‌لارینا گؤره، دونیانین بیر قیسیمی شدت‌لی یاغیش و کولکله مباریزه ائدرکن دونیا عمومیتی اوچون ۲۰۱۲، رکورد درجه‌ده ایستی بیر ایل اولدو.

اوسته‌لیک متخصص‌لر بونا آلیشماغیمی لازیم اولدوغونو ایفاده ائدیر.

چونکی دونیادا ایقلیم دگیشیر؛ دونیا اوچون تهلوکه زنگ‌لری چالیر …

اوسته‌لیک ده بیر چوخ طبیعی فلاکته، اینسان‌لارین، دونیانین قایناق‌لارینی دوشونجه‌سیزجه ایستیفاده ائتمه‌سینه یول آچیر.

دونیا طبیعتی قوروما وقفی‌نین نوماییش ائتدیگی ‘یاشایان گزه‌گن ۲۰۱۲ راپورونا گؤره، قایناقلارین ایستیثمار ائدیلمه‌سی و حدیندن آرتیق ایستهلاک اوزوندن دونیانین ساغلیق وضعیتی ‘گئده‌رک پیسلشیر.

متخصص‌لر، بو منفی گئدیشین ۲۰۱۳-جی ایلده ده سورمه‌سی‌نین گؤزلنیلدیگینی و بونا باغلی اولا‌راق یاشانا‌جاق طبیعی فلاکت‌لر سببیله قیدا قیمت‌لرینده رکورد آرتیملار یاشاناجاغینا دقت چکیر ..

ت.ر.ت. تورکی

یوروم یازین

Back to Top